Makku inatsisit nalunaarutillu Peqqinnissakkut Nakkutilliisoqarfimmut atortussaatitaapput:
Peqqinnissakkut Nakkutilliisoqarfiup sulinera pillugu Namminersornerullutik Oqartussat nalunaarutaat nr. 1, 4. januar 1996-imeersoq. (sulinermut tunngaviusoq).(Nutarterneqarpoq)
8. juni 2004-mi Naalakkersuisunut ilisimatitsissut naapertorlugu Naalakkersuisut siulittaasuata aalajangiinerata kingunerisaanik, takuuk Naalakkersuisut ataatsimiinneranni imaqarniliaq nr. 51/2004-imeersoq, Peqqinnissakkut Nakkutilliisoqarfik Naalakkersuisut siulittaasuata akisussaaffeqarfianiit Peqqissutsimut Naalakkersuisoqarfimmut akisussaaffigineqartussatut nuunneqarpoq.
Isumaqatigiissut 1. oktober 2004-mi atuutilersinneqarpoq.
Aaliangiinerup kinguneraa, peqqinnissakkut nakkutilliisoq naalakkersuisoqarfinni pisortat allat assigalugit toqqaannartumik Ilaqutariinnermut Peqqissutsimullu Naalakkersuisoqarfimmi naalakkersuisumut attaveqartartussaalernera.
Taamaalilluni peqqinnissaqarfiup Peqqinnissakkullu Nakkutilliisoqarfiup akornanni attaveqatigiittarnerup ataqatigiissuunnginnera erseqqissaavigineqarpoq.
Allanik apeqqutissaqartoqarpat uagutsinnut saaffiginnittoqarsinnaavoq.