Qinnguartaanermi misissuut Kujataanut angalalerpoq

Umiarsuaaraq Minna Martek qinnguartaammik usisoq septembarip 1-aniit 2010 sapaatit akunneri marluk ingerlaneranni kujataani nunaqarfinnut tamanut angalassaaq. Umiarsuaaraq septembarip 3-ani 2010 Qassimiunut tikissaaq tassanngaannillu Nanortallip Qaqortup Narsallu nunaqarfiinut angalassalluni.

Umiarsuaaqqap nunaqarfinnut ataasiakkaanut qaqugukkut tikinnissaa KNR-ip TV-kkut takuneqarsinnaassaaq, piffissallu aggerfissat nunaqarfinni allagarsiivitsigut takuneqarsinnaasassallutik.

Innuttaasut 15-ileereersimasut tamarmik napparsimasutut misiginngikkaluit aamma TB-mut qinnguartartinnissaat pingaaruteqarluinnarpoq.

Qinnguartartissinnaanngilatit:

• Naartuguit. Taamaappat ernereeruit misissortissinnaavutit.

• 15-iliisimanngikkuit. Meeqqat atuarfianni klassini aalajangersimasuni atuartut aaversinnikkut misissortissapput, atuarfimmiillu aggersarneqassallutik. Meeqqat mikinerit pisariaqartitsineq naapertorlugu misissorneqassapput.

Kujataamiut puaanik qinnguartaanissaq/seqersaanissaq Nuna tamakkerlugu sakialluut TB akiorniarlugu iliuuseriniakkatut siunniussat ilagaat.

Maannamut nappaat sakialluut akiorniarlugu iliuusaasarsimasut naammaginannginnerat iliuuserisamut matumunnga pissutaavoq. Ukiuni kingullerni tallimani ukiumut sakial-luummik nappaateqalersartut 71-iupput, taamaasilluni Kalaallit Nunaat nunat ineriartor-fiusut arlallit akornannut inissippoq inuit 100.000-iuppata 125 missaat nappaateqartuullutik. Tunillatsissimasut 20 %-ii meeraapput. Meeqqallu taama amerlatigisut tunillatsissimanerat nappaateqalersimaneralluunniit, inersimasut akornanni nappaatip tunillaassuunneranut takussutissaavoq.