Nualluummut A(H1N1)v-imut akiuussutissinneqarnissamut Nunatsinni Nakorsaaneqarfiup innersuussutaa

Akiuussutissat pissarsiarineqartut siulliit nualluummik peruluuteqalersinnaasunut sulisullu tunillatsinissamut ilimanaateqarnerusutut nalilikkat akiuussuserneqarnissaannut atorneqassapput.

Utoqqaat peqqissut 65-iniit qummut ukiullit qaqutiguinnaq nualluummit A(H1N1)v-imit eqqugaasarput  taamaammat A(H1N1)v-imut akiuussutissinneqaratik nualluummut nalinginnaasumut akiuussutissinneqassapput.

Nualluummik peruluuteqalersinnaasut inuusuttaat peruluuteqalersinnaanermut ilimanaateqarnerupput, taamaammat peruluuteqalersinnaasunik akiuussutissiinermi 65-it inorlugit ukiullit salliutinneqassapput.

Makkunannga nappaatillit akiuussutissinneqarnissaminnik neqeroorfigineqassapput:

• Anigorsinnaanngisamik pualluutillit
• Anigorsinnaanngisamik taqqamikkut uummammikkullu nappaatillit 
• Aammikkut nappaatillit
• Kingunerluutilimmik nakorsaruminaatsumilluunniit sukkortut
• Timip nappaatinut akiuussinnaassusiagut akornutillit 
• Sianiutit nukinnut attaviisa nappaateqarfiunerisigut anernikilliortut quersorluarsinnaanngitsulluunniit.
• Anigorsinnaanngisamik tingulluutillit tartuluutillilluunniit
• Pualavallaartut
• Allanik nappaatillit nakorsap naliliinera naapertorlugu inuunerat nuallunnikkut navianartorsiortinneqarsinnaappat. Qaammatit 4-assaat naartusut tamarmik 
• Naartunerup qaammataai siulliit 3-t. nualluummik tunillatsinnikkut peruluutaasinnaasunik arlaannik nappaatillit. Nappaatip peruluutaasinnaassusia naliliivigineqaqqaassaaq.

Innuttaasut nualluummik A(H1N1)-imik peruluuteqalersinnaasorisut akiuussutissinneqarnissamut inniminniiniarlutik Peqqinnissaqarfimmut saaffiginnissapput.