- Uaniipputit:
- Saqqaa
- Naalakkersuisut
- Naalakkersuisoqarfiit
- Nunatsinni Nakorsaaneqarfik
- Nunatta Nakorsaaneqarfianit nutaarsiassat
- Nunatsinni Nakorsaaneqarfimmit nutaarsiassat
Nualluut A(H1N1)v-mik nualluuteqartut pingasut
Annertunerusunik paasisaqarusukkuit attaveqarfigiuk:
Maanna nualluummik A(H1N1)v mik nappaateqartut pingasut misissuinikkut paasineqarnerat, Nunatsinni Nakorsaaneqarfiup matumuuna ilisimatitsissutigissavaa. Marluk Tasiilameersuullutik ataaserlu Sisimiuneersuulluni.
Sinerissami Peqqissaaveqarfinni nualluutip ersiutaanik atuisut amerlassutsimikkut assigiinngeqaat sumiiffiit ilaanni soqarani ilaannili amerlasinnaasarlutik.
Sinerissami sumiiffinnit tamanit ilaatigut napparsimavimmut unititsinermik kinguneqartartumik Sisimiut nualluffiunerpaajuvoq. Napparsimasup sanngiissuteqareersup ataatsip nualluut A(H1N1) toqussutigisimasinnaavaa, taamaattoqarnerali misissuinikkut uppernarsineqarsinnaasimanngilaq.
Nualluttut amerlanersaasa ullut 3-5 sakkukitsumik nakorsiuttariaqanngitsumillu atorumaarat erseqqissaqqissallugu pingaaruteqarpoq. Aatsaat napparsimaneq ullunik 5-iniit 7-inut sivisussuseqarpat aamma/imaluunniit kingunerluutitaqarpat soorlu puatsigut nuammik nipititsinikkut, Peqqinnissaqarfik attavigineqassaaq. Meeqqaanut tunngatillugu nerisinnaanerat imersinnaanerallu maluginiarneqassaaq.
Pitsaaliuinissaq anguniarlugu Peqqissaaveqarfinni pisariaqartitsinerpaanut akiuussutissiineq ingerlanneqaleruttorpoq kingunerlutitsisinnaasullu ilarpassui illersuutaalluartumik akiuussutissinneqareerput.
Innuttaasunut kingunerluuteqartitsisinnaasutut nalilikkanut ilaasorisut sulilu akiuussutissinneqanngitsut, Peqqinnissaqarfimmut saaffiginninnissaat innersuussutigeqqinneqassaaq.
Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl