- Europap Avannaamioqatigiivisa isumaqatigiissutaannut Kalaallit Nunaat ilanngussimavoq, tassalu imaappoq peqqissaasoq nunani Avannani arlaanni akuersissummik pigisaqartoq Kalaallit Nunaanni sulisinnaanissamut akuersissummik ingerlaannarluni pissarsisinnaatitaavoq.
- Peqqissaasunut Europap Avannaani nunani ilinniarsimasunut piumasaqaatit danskinut, svenskinut, norskinut Finland-imiunullu immikkut ilitsersuutiniiput, taakkulu ”link” ataani allassimasoq atorlugu nassaarineqarsinnaapput.
- Nunani allani peqqissaasutut ilinniarsimasut ataasiakkaat qinnuteqaataat ilinniarsimanerminnut tunuliaqutaat tunngavigalugit ataasiakkaarlugit nalilerneqartarput. Naatsorsuutigisariaqarpoq suliarinninneq sivisunerusinnaasoq aammalu ilinniarsimanermut uppernarsaatinik piumasaqaatit annerusariaqarsinnaallutik.
- Qinnuteqarnissamut immersugassaq ”link” una atorlugu nanineqarsinnaavoq:
- Peqqissaasunut Kalaallit Nunaanni atorfinikkumasunut piumasaqaatinut allanut paasissutissat Peqqinnissaqarfiup Qullersaqarfia saaffigalugu pissarsiarineqarsinnaapput, Postboks 1001, 3900 Nuuk, Oqarasuaat +299 344000.
- Uaniipputit:
- Saqqaa
- Naalakkersuisut
- Naalakkersuisoqarfiit
- Nunatsinni Nakorsaaneqarfik
- Peqqissaasut Kalaallit Nunaanni sulinissaannut akuersissut
Peqqissaasut Kalaallit Nunaanni sulinissaannut akuersissut
Peqqissaasut sulisinnaatitaanerat sulinerallu pillugit Inatsisartut peqqussutaat nr. 7 30. oktober 1995-imeersoq naapertorlugu peqqissaasut Kalaallit Nunaanni sulisinnaatitaanerannut akuersissummik pigisaqartut Kalaallit Nunaanni peqqissaasutut sulisinnaatitaapput.
Nunatsinni Nakorsaaneqarfik Kalaallit Nunaanni peqqissaasunut akuersissutinik tunniussisinnaatitaavoq.
Kalaallit Nunaanni peqqissaasutut ilinniarsimasut Peqqissaanermik Ilinniarfik aqqutigalugu akuersissummik qinnuteqassapput. Qinnuteqarnissamut immersugassaq ”link” ataani allassimasoq atorlugu nanineqarsinnaavoq.
Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl