Amerlanerit Kalaallit Nunaanni nunassittarput

Ilinniarfinnit ingerlaqqiffiusunit naammassisartut amerlassusaat piffissami 2002-mi aggustimit 2006-imi maajimut KIIIP-ip misissorsimavai.

Piffissami kingullermi oqallinnermi kalaallit ilinniarluarsimasut qimarrannerarlugit oqartoqarniartarpoq. Tamanna tunngavigalugu KIIIP kalaallit ilinniakkaminnik naammassinnittartut pillugit kisitsisinik misissuisimavoq kiisalu ilinniarnerminnik naammassisut sumut nunassittarnerannik misissuisimalluni.

Piffissami 2002-mi aggustimit 2006-imi maajimut ilinniartut 565-it ingerlaqqiffiusuni ilinniakkaminnik naammassinnissimapput, Kalaallit Nunaanni ilinniagaqarnersiutinik pisartagaqarlutik. Taakkunannga 409-t Kalaallit Nunaanni ilinniarnerminnik naammassisimapput 156-illu Kalaallit Nunaata avataani ilinniakkaminnik naammassinnillutik, amerlanerit Danmarkimi.

Takussutissiami 1-imi 1. januar 2007-imi inuit piffissami 2002-mi aggustimit 2006-imi maajimut ilinniakkaminnik naammassinnissimasut sumi najugaqarsut takuneqarsinnaapput, kisitsisit inuit allattorsimaffiannit tigusaapput. Kalaallit Nunaanni ilinniakkaminnik naammassinnissimasut 90 %-ii Kalaallit Nunaanni najugaqarput. Taamaattorli Kalaallit Nunaata avataani ilinniakkaminnik naammassinnissimasut affai inorlugit amerlassuseqartut Kalaallit Nunaanni najugaqartuupput.

Takussutissiaq 1. Ilinniarfinni ingerlaqqiffiusuni naammassisut amerlassusaat[1] piffissami 2002-mi aggustimit 2006-imi maajimut, sumi ilinniagaqarsimaneq aamma 01. januar 2007-imi sumi inuit allattorsimaffianni allassimasuuneq malillugu.

	Kal. Nun. Inuit allattorsi-maffianni nalunaarsimaneq piff. 01.01.2007	Kal. Nun. Avataani inuit allattorsimaffianni naluna-arsimaneq piff. 01.01.2007	Katillugit
Qaffasinnerpaamik ilinniartitaanermi naammassisartut Kal. Nun.	373	36	409
Qaaffasinnerpaamik ilinniartitaannermi naammassisartut kal. Nun. Avataanni	70	86	156
Katillugit	443	122	565

Kalaallit Nunaanni 01. januar 2007-mi inuit allattorsimaffianni allassimasut 122-t akornanni 41-t ilinniarnerminnik suli ingerlatsipput (annermi Danmarkimi). Taakkunani 41-t akornanni 17-it Kalaallit Nunaanni ilinniakkaminnik ingerlaqqiffiusuni naammassinnissimapput. 23-t (41-t akornanni) maanna suli ilinniakkaminnik kandidatitut ingerlatsipput.

Takussutissiaq 2. Kalaallit Nunaanni 01. januar 2007-mi inuit allattorsimaffianni allassimanngitsut 122-t ilinniakkaminnik naammassinnissimasut agguataarneri.

	Kal. Nun. avataanni inuit allattorsimaffianni naluna-arsimaneq piff. 01.01.2007	Taakkunannga suli ilinniagaqartutut nalunaarsorsimasut
Qaaffasinnerpaamik ilinniartitaannermi naammassisartut Kal. Nun.	36	17
Qaffasinnerpaamik ilinniartitaannermi naammassisartut Kal. Nun. Avataanni	86	24
Katillugit	122	41
- taakkunannga kandidatitut suli ilinniartut		23

Annertunerusumik paasisaqarusukkaanni saaffigineqarsinnaavoq: Aningaasarsiornermik ilisimasalik Robert Mossing, Kultureqarnermut, Ilinniartitaanermut, Ilisimatusarnermut Ilageeqarnermullu Pisortaqarfik, oqarasuaat: 345723.