Aningaasaateqarfik Augustinus Fonden Ilimmarfimmut 750.000 kroninik tunissuteqarpoq inersuup pisatalersorneqarnissaanut pinnersarneqarnissaanullu atugassanik. Ilutigitillugu Hielmstierne-Rosencronske Stiftelse, Københavnimi allaffeqartoq, nalunaarpoq 75.000 kroninik tunisiumalluni Ilimmarfimmi inersuup allap kusanartulianik pinnersarneqarnissaanut atugassanik. Tassa katillugit 825.000 kronit tunissutigineqarput.
Tunissutit taakku Ilimmarfimmut nuanneqaat, kisianni aamma siunissami ilisimatusartuusartussanut nuannaarutaalerumaarput Ilimmarfillu iserlugu kusassaataalluarumaarlutik, aammattaarli kalaallinut inuusuttunut kusanartuliortartunut iluaqutaassapput, taakkuami Ilimmarfiup iluata kusassarnissaa isumagisussaassammassuk.
Inussiarnersumik inuulluaqqusillunga
Henriette Rasmussen