- Uaniipputit:
- Saqqaa
- Naalakkersuisut
- Naalakkersuisoqarfiit
- Ilinniartitaanermut Ilisimatusarnermullu Naalakkersuisoqarfik
- AC-fuldmægtigimik
AC-fuldmægtigimik
Attavigiffissaq
Paasissutissat sukumiinerusut
Immikkoortortami pisortamut Andreas Olsenimut +299 34 57 63, e-mail anol@gh.gl, imaluunniit immikkoortortami pisortamut Claus Kleemannimut, Kalaallit Nunaata Aallartitaqarfia, Strandgade 91, box 2151, 1016 København K, +45 32 83 38 00, e-mail clkl@mail.ghsdk.dk, saaffiginninnikkut pissarsiarineqarsinnaapput. Aamma takuuk www.nanoq.gl atorfiit ataanni.
Qinnuteqaat
Qinnuteqaat ilinniagarisimasanut, siornatigut suliarisimasanut il.il. uppernarsaatinik ilalerlugu naalakkersuisoqarfimmit tiguneqareersimassaaq kingusinnerpaamik ulloq 28. august 2008 uungalu nassiunneqassalluni:
Namminersornerullutik Oqartussat
Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik
Postbox 1029
3900 Nuuk
Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik pissarsiorpoq naalakkersuisoqarfiup Ineriartortitsinermut immikkoortortaanut fuldmægtigimik. 1. september 2008-mi imaluunniit isumaqatigiissuteqarnikkut atorfinittoqassaaq.
Ineriartortitsinermut immikkoortortami taaneqartumi ilaatigut Kalaallit Nunaanni ilinniarnertuun-ngorniarfinnut ingerlaqqiffiusumillu ilinniartitaanernut, Kalaallit Nunaanni ilagiinnut kiisalu kulturimut timersornermullu naalakkersuisoqarfittut akisussaaffik inissisimavoq.
Pingaarnertut akisussaaffiit
Fuldmægtigip pingaarnertut suliarissavai makku pillugit naalakkersuisoqarfittut sulianik ingerlatsinermi, ataqatigiissaarinermi siunnersuinermilu suliassat
- Kalaallit Nunaanni ilagiit
- Kalaallit Nunaanni ingerlaqqiffiusumik ilinniartitaanerit ilinniarnertuunngorniarfiillu
- Ilinniartitaanikkut immikkut ittumik suliniut
- Nunanik avannarlernik nunanillu tamalaanik suleqateqarneq
Aammattaaq malittarisassiorluni suliaqarnermi nassuiaateqartarnermilu fuldmægtigi peqataassaaq. Immikkoortortami suliat akimorlugit ataatsimoortumillu isiginnilluni suleqatigiinneq pingaartinneqarpoq, tamatumani sulisut ataasiakkaat suliat tunngavigalugit suleqatigiinni ataatsini arlalinniluunniit peqataatinneqartarlutik.
Piginnaasatigut piumasaqaatit
Ilinniagartuutut ilinniagaqarneq, Kalaallit Nunaanni inuiaqatigiinni pissutsit annertuumik ilisimasaqarneq. Sulianut ilaatigut ilaapput nalunaarusianik, imaqarnilianik, allakkianik il.il. ilusilerlugit aalajangiinissamut tunuliaqutanullu tunngavissanik suliarinninneq, taamaattumik allallaqqissuunissaq oqallorissuunissarlu pisariaqarlutik. Kalaallisut danskisullu marluinnik oqaaseqarnissaq iluaqutaassaaq piumasaqaataananili. Angalangaatsiartarnissaq naatsorsuutigineqartariaqarpoq.
Akissarsiat atorfinitsinneqarnermilu atugassarititaasut
Akissarsiat atorfeqartitaanermilu pissutsit Kalaallit Nunaanni Namminersornerullutik Oqartussat kattuffiullu isumaqatiginninniarsinnaatitaasup akornanni isumaqatigiissut atorfininnermi atuuttoq naapertorlugu pissapput.
Inissaqartitsisoqarsinnaavoq, malittarisassat atuuttut malillugit akilersorneqartussamik. Inissaaleqinerli pissutigalugu inissiamik ataavartumik tunineqarnissamut utaqqinissaq naatsorsuutigineqarsinnaavoq. Utaqqinermi inissamik utaqqiisaasumik innersuussisoqassaaq. Atorfeqarfik maanna Nuummiippoq.
Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl