- Uaniipputit:
- Saqqaa
- Naalakkersuisut
- Naalakkersuisoqarfiit
- Ilinniartitaanermut Ilisimatusarnermullu Naalakkersuisoqarfik
- ALLAGARSIUTEQQITAQ Suliamik ataqatigiissaarisoq
ALLAGARSIUTEQQITAQ Suliamik ataqatigiissaarisoq
Attavigiffissaq
Qinnuteqaat
Allakkatigut qinnuteqaat attuumassutilinnik ilallugu uunga nassiunneqassaaq: Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik, Postbox 1029, 3900 Nuuk, Naalakkersuisoqarfimmit tigoreerneqarsimasussanngorlugu kingusinnerpaamik 23. oktober 2009-mi.
Qinnuteqaat e-mailikkut nassiunneqassanngilaq.Kalaallit Nunaanni ilinniarnertuunngorniarfinnik iluarsaaqqinnermut ukiup aappaa affarmi suliarineqartussamut piaartumik erseqqinnerusumilluunniit isumaqatigiissuteqarnikkut atorfinitsinneqartussamik Suliamik ataqatigiissaarisussarsiortoqarpoq.
Ilinniarnertuunngorniarfiit GU, HTX, HHX iluarsaanneqaleruttorput 2011-milu aggustimi ilinniarnertuunngorniarfiit nutaat aallartinneqarnissaat sulissutigineqarpoq.
Suliamik ataqatigiissaarisoq makkuninnga suliaqartussatut naatsorsuutigineqarpoq:
- Piffissami sivikitsumi aaqqissuusseqqinnermik ataqatigiissaarineq aqutsinerlu
- Suliassarititaasut malinneqarnissaannik isumaginninneq
- Suleqatigiissitanut allattaaneq
- Suleqatigiiaat akornanni paasissutissiisarnissamik isumaginninneq
- Suleqatigiiaanut isumassarsiortitsineq ilanngussinerlu
- Sulinerup nalaani ingerlatassanik attuumassutilinnik aaqqissuussineq
- Sulineq pillugu avammut paasissutissiisarnermik isumaginninneq
- Naalakkersuisunut/Inatsisartunut nassuiaasiornermut peqataaneq
- Peqqussutissatut siunnersuusioqataaneq
Naatsorsuutigaarput Suliamik ataqatigiissaarisoq:
- Suliatigut tunuliaqutaqarluartoq, ingerlaqqiffiusumik qaffasissumik ilinniarsimasuusinnaalluni
- Ilinniarnertuunngorniarfinnik ilisimannittoq
- Kalaallit Nunaanni inuiaqatigiinnik ilisimasaqarluartoq
- Malinnaasinnaasoq piffissaaleqillunilu sulisinnaasoq
- Namminersorluni sulisinnaasoq
- Ammasoq inussiarnersorlu
- Paasissutissanik attuumassutilinnik pissarsisinnaallunilu naliliisinnaasoq
- Suliniuteqartoq isumassarsiaqarluartorlu
- Sulinermi ilungersunartumi immikkuualuttunik katersisinnaasoq
Atorfeqartitsineq 2010-mi decembarip naanissaata tungaanut killeqassaaq sivitsorneqarsinnaalluni, tamannalu Namminersorlutik Oqartussani isumaqatigiissutit naapertorlugit atugassaqartitsilluni pissaaq. Akissarsiat atorfeqartitsinerlu, taakkununnga ilanngullugit akiliunneqarluni angalanerit pisattallu nuunneqarneri piffissami atorfiniffiusumi Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutit atuuttut naapertorlugit pissapput. Inissaqartitsisoqarsinnaavoq malittarisassat atuuttut naapertorlugit akiliiffiusartussamik. Nuummili inissaaleqineq pissutigalugu inimik innersuunneqarnissamut utaqqinissaq naatsorsuutigisariaqarpoq. Utaqqinerup nalaani utaqqiisaasumik ineqartitsisoqassaaq sulisumut ineqarnermut aningaasartuutaanngitsumik
Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl