Namminersorlutik Oqartussat Kultureqarnermut, Ilinniartitaanermut, Ilisimatusarnermut Ilageeqarnermullu Aqutsisoqarfiat AC - fuldmægtigissarsiorpoq piaartumik atorfinittussamik isumaqatigiissuteqarnikkulluunniit.

Kultureqarnermut, Ilinniartitaanermut, Ilisimatusarnermut Ilageeqarnermullu Aqutsisoqarfik tassaavoq aqutsisoqarfik Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfiup ataani pilersillaaq, suliaqarfiit immikkoortunut tallimaasunut agguarsimasut ukununnga Kultureqarneq, Ilageeqarneq, Ilisimatusarneq, Ingerlaqqiffiusumik ilinniartitaaneq, Inuutissarsiornernut ilinniartitaanerit, tassani ilaavoq Inuussutissarsiornernut ilinniartitaanernut tunngasutigut pikkorissanerit. Ilaavortaarlu aningaasaqarnermut, Sulisoqarnermut Sullissinernullu tamanut atuuttoq. Taamatuttaaq IT ilinniartitsinermi ilinniagaqarnernullu siunnersuisarnerni ingerlatsivittut marlutut tamanut atuuttutut pilersinneqarsimavoq, ilinniarnernut tunngasunut qulaani eqqaaneqartunut atuulluni.

Atorfik Aqutsisoqarfiup ilinniartitaanermut immikkoortortaqarfiani inissisimavoq sisamanillu sulisoqarluni aqutsisoqarfiup pisortaanut nalunaartartussaavoq. Suliassat ilaatigut makkuupput:

• politikkikkut sullissineq
• ilinniartitaanermut tunngasutigut suliniutinik nutaanik ineriartortitsineq
• malittarisassanik suliarinninneq kiisalu malittarisassanik isumaqatigiissutinillu nassuiaaneq
• siumoortumik missingersuusiornerit nangitsinerillu
• paasissutissiivilerineq taassumalu ataani nittartakkamik nutarterineq
• naatsorsueqqissaakkanit pisariaqartitsinernik allaaserinninneq naatsorsueqqissaakkaniillu paasissutissanik atuisinnaaneq
• ataatsimiititaliani assigiinngitsuni peqataasarneq
• siunnersuineq ilitsersuinerlu
• angalasarnissaq naatsorsuutigineqassaaq

Piginnaasat

• inuiaqatigiinnik ilisimatusaatit allamilluunniit tamakkununnga attuumassutilimmik ilinniagaqarsimaneq
• misissueqqissaarinissamut piginnaanilik politikkikkullu ingerlatseriaatsinik paasinnissinnaassusilik
• allakkatigut oqalunnikkullu oqaaseqaatiliullaqqinneq attaveqaqatigiinnernullu piginnaaneqarneq
• aqutsisoqarfiit assigiinngitsut akornanni suleqateqarsinnaanermik piginnaaneqarneq
• pilersaarutinik suliaqarnissamut ilisimasaqarluarneq
• ataqatigiissaarluni suleqatigiinnermik pilersitsiniarnermut atatillugu soqutigisaqarneq pitsaasunillu atassuteqarnissamut piginnaaneqarneq
• ilinniartitaanernik suliaqarnissamut ilisimasaqarneq kiisalu kalaallit oqaasiinik ilisimasaqarluarneq aamma piorsarsimassuseq iluaqutaassaqaaq

Akissarsianut atorfinitsitsinermullu piumasaqaatit, taassumalu ataani angalanernut pisattallu nassiunneqarnissaannut Naalakkersuisut atorfinittussallu kattufiata akornanni isumaqatigiissutit atuuttut malillugit aalajangerneqassapput.

Inissamik tunisisoqarsinnaavoq, malittarisassat atuuttut malillugit akilerneqartussaq. Nuummi inissaaleqineq pissutigalugu namminerisamik initaarnissamut utaqqinissaq naatsorsuutigisariaqarpoq.