Nintendo Wii-t sanamut sinerissamilu peqqissaaveqarfinnut

Danmark-imi pualluutit akiorniarlugit peqatigiiffimmit 45.000 koruunit meeqqanut sakialluummik nappaatilinnut atugassat Nunatsinni Nakorsaaneqarfiata sakialluut akiorniarlugu suleqatigiissitaata pissarsiarai. Aningaasat Johs. Jensen-ip nuliatalu aningaasaateqarfiannit tunissutaapput.

Aningaasat Sinerissami Peqqissaaveqarfinni Dronning Ingrid-illu Napparsimavissuani nakorsartittut meeqqat uninngaviini Nintendo Wii-nut tassa qarasaasiaq atorlugu pinnguaateqalernissamut atorneqarnissaat, sakialluut akiorniarlugu suleqatigiissitap aalajangiuppaa.

Pinnguaatit Nintendo Wii uninnganerup nalaani timi aalatillugu sukisaarsaatitut piukkunnarluartuunerat aalajangiinermi tunngaviuvoq.

Pinnguaatit meeqqanit allanik nappaateqarlutik uninngasunit aamma nuannaarutaallutillu sukisaartaasinnaapput.

Pinnguaatit siunertamut pitsaasumut atorneqarnissaat pissutigalugu akigissaartillugit neqeroorfigineqarnikkut Nuummi pisiniarfimmi Pisattani pisiarineqarput.