Napparsimaviup aningaasaqarneranut tunngasut pissutaallutik atorfiit tamakkerlugit inuttalernissaat ajornarallarsimavoq. Tamatuma malitsigisaanik piffissami sivisunerusumi sulisut ilungersungaatsiartarsimapput. Sulisut ilungersortitaanerat massakkut ima annertutigilersimavoq Peqqissaaveqarfinnik Aqutsivik napparsimaviup pisortaanut napparsimaviup nakorsiartitsilluni ammasarnera sivikilliseqqullugu piumasaqartariaqalersimalluni.
Sivikillisitsineq ulluinnarni napparsimaviup nakorsiartunut ammasarnerata sivikillineqarneranik kinguneqarpoq. Napparsimaviup nukinginnartoqartillugu nakorsiartitsisarnera allanngunngilaq aamma nakorsanut immikkut ilinniarsimasunut aqqusaartunut nakorsiarnissamik isumaqatigiissutit pilersaarutaareersutut ingerlanneqarumaarput.
Peqqinnissaqarfik aningaasartuutissat aalajangersimasut iluanni sulivoq kisiannili minnerunngitsumik peqqinnissaqarfiup naammassisassaanik piumasaqaatit annertunerat pissutigalugu aningaasartuutit amerliartuinnarsimapput. Tamatumunnga peqatigitillugu sulisussat orniginnilersinniarnerat sulisoreriikkallu tigummiinnarniarnerat ajornakusoorlunilu akisuujuvoq.
Peqqinnissaqarfiup pimoorullugu aningaasatigut pissutsit innuttaasunut malunnaatilimmik kinguneqannginnissaat anguniarlugu sulissuteqarpoq pissutsillu pitsanngorsarniarlugit iliuuseqarniarsaraluni napparsimasunut sullissineq isumannaatsuunerlu eqqornaveersaarlugit sipaarniuteqarnikkut.
Paasisaqarnerorusukkaanni attavigineqarsinnaavoq pisortaq Søren Rendal oqarasuaat +299 34 66 01 imaluunniit e-mail sore@gh.gl aqqutigalugit.