Aningaasanik agguaassineq naalakkersuisuni ilaasortat pingasut Doris Jakobsen, Aleqa Hammond Asii C. Narup-illu novemberip arfineq aappaanni ataatsimeeqatigiimmata ingerlanneqarpoq.
Ukiumut naggataamik agguaassinermi kajumissaatissanik agguaassisoqarpoq makkuusunik:
Nuummi Paninnguaq Abelsen: Inuusuttunut radiokkut TV-kkullu pissarsinartunik aallakaatitsisarnini Inuusuttut Akisunnerat aamma Sofa Aappalaartoq pillugit 10.000 kr.-nik pisassinneqarpoq. Sofa Aappalaartumi aalajangersumik aallakaatitseqataasartut pingasut akissarsiassaq agguassavaat.
Qasigiannguani Timersoqatigiit "Pequi": Kr. 6.000 ajaappisserluni pisunnermik eqaarsaarnermillu ingerlatseqqinnissamut atugassaat tunniunneqarput. Kajumissaatississutit pinaveersaartitsinermi siunnersortimit Kristian Rosingimit tunniunneqassapput.
Sofa Aappalaartoq¿mut kajumissaatissiissutit Peqqissutsimut Avatangiisinullu Naalakkersuisumit, Agathe Fontainimit, pingasunngornermi novembarip 29-anni 2006 nal. 14:00 Peqqissutsimut Pisortaqarfiup ataatsimiittarfiani tunniunneqassapput.
Taakku saniatigut qinnuteqaatit allat ikittuinnaat tiguneqarsimapput, sulissutiginiakkalli makku tapiiffigineqarput:
Qasigiannguit Kommunea: Kr. 7.500 pinaveersaartitsinermut siunnersorti Kristian Rosing, Postboks 113 , 3951 Qasigiannguit, sallersaralugu 2006-imi sap. akunnerani 47-mi peqqinnissaq pillugu ingerlatsinissamut.
Uummannap Kommunea: Kr. 7.500 pinaveersaartitsinermut siunnersorti Gerda Fleischer, Postboks 200, 3961 Uummannaq, sallersaralugu imigassartaqanngitsumik unnussiuaartitsisarnissamut.
Ukkusissani pinaveersaartitsinermut ataatsimiititaliat: Kr. 2.250 siulittaasoq Amos Petersen, 3961 Uummannaq, siulersortigalugu tamanut ammasumik unnukkut oqallitsitsisarnissaannut, qaammarsaaniutinik suliaqartarnissaannut il.il.
Nuugaatsiami Timersoqatigiiffik N-58: Kr. 2.000 Mikkel Jeremiassen, 3961 Uummannaq, siuttoralugu imigassartaqanngitsumik aaqqissuussisarnissanut.
Suleqatigiit 8. Marts Gruppen: Kr. 13.000 Sanne Kok, Qernertunnguanut 8A, 101, 3900 Nuuk, siulersortigalugu arnanik persuttaasarneq akiorniarlugu paasisitsiniaanissamut.
CISV Inuusuttut Siuarsartut: Kr. 4.500 Tine Pars, Postboks 1720, 3900 Nuuk, sallersaralugu meeqqat inuusuttullu siunnerfigalugit suliniarnissamut.
Kontakt: Konsulent Berti Bourup, Direktoratet for Sundhed
Tlf: (+299) 34 66 73
Fax: (+299) 32 55 05
Email: Berti@gh.gl