AC-fuldmægtig-i

Peqqinnissamut immikkoortortaqarfimmi AC-fuldmægtigi

AC-fuldmægtig-itut naalakkersuisoqarfiup suliassanut aallarnisagaanik ineriartortitsinermut peqataasassaatit. Allanik suleqateqarluni iluarsartuullugit pilersaarusiornernut peqataassaatit, qaffasinnerusumik naammassinnissinnaanermut peqataassaatit, pitsaanerusumik ataqatigiissaarineq peqqinnissamullu immikkoortortaqarfiup akisusaaffittut sammisaani suliat iluanni pitsaanerusumik tamakkiisumik isigisaqalernissamut. Assersuutigalugu peqqinnissaqarfiup ilusianik allannguinernut ingerlanneqartunut peqataassaatit, politikkimullu tunngasutigut anguniakkanik oqaasertaliuisassallutit suliarisallu tulleriiaartumik naammassinissaannik piumasaqaatinut malinnaatitsinermut.

Annertunerusumik akisussaaffitit tassaassapput:

• Peqqinnissamut pilersaarusiorneq
• Peqqinnissamut politikkinik ineriartortitsineq ataqatigiissaarinerlu
• Politikkikkut oqallinnissanut suliarinninneq kingunerinillu nalilersuineq
• Inatsisartunik Ilaqutariinnut Peqqinnissamullu Naalakkersuisumik sullissineq
• Allanik suleqateqarluni misissueqqissaarneq
• Paasissutissanik suliarinninneq
• Peqqinnissaqarfiup iluani pitsaassutsinik ineriartortitsineq
• Nunap iluani nunallu avannarliit akisussaaffiini peqqissusermut suleqatigiinni peqataaneq

Naatsorsuutigaarput, illit:

• Atorfimmut tulluuttumik ilinniagaqarsimassasutit peqqinnissamullu tunngasunut misilitagaqartuullutit
• Suliassat iluarsinissaannut nammineq akisussaaffimmik tigusisinnaasutit
• Suleqatigiit assigiinngitsut suleqatigissallugit kajumissuseqarlutillu piginnaaneqartutit
• Pitsaasumik misissuisinnaanermut piginnaaneqartutit pitsaassutsimik ilisimaarinnittutit
• Allakkatigut oqaatsitigullu oqaasertaliullaqitsutit
• Killiliinermiit periarfissanik takullaqqissutit
• Assut pitsaaqutaassaaq marluinnik oqaaseqaruit tassa kalaallisut qallunaatullu

Ilaqutariinnut Peqqissutsimullu Naalakkersuisoqarfiup pingaarnertut suliassarai peqqinnissamut-inunnillu isumaginninnermut tunngasutigut pitsaassutsimik misissuinernut suliniutinik ineriartortitsinerit, Kalaallit Nunaanni atugarissaarnermik periarfissanut siuarsaasumik naalakkersuisoqarnermullu tunngasutigut sulianut qaffasissutsip inissisimanera isumannaarlugu.

Naalakkersuisoqarfimmi piorsarsimassuseq ineriartortissallugu anguniartarparput, ingerlatsivimmi kikkut tamaasa periarfissalerlugit ineriartortitsinermik eqqarsaatinullu nutaanut peqataanissaat. Taamaattumik pingaartuuvoq, illit suleqateqarluarnissamut sammisuunissat suleqatissatillu qiimasumik soqutiginnittumillu naapinnissinnaassallugit.

AC-fuldmægtig-itut naalakkersuisoqarfimmi qitiusutut inissisimassaatit, unammisassarpassuaqarpoq oqaloqatigiinnikkullu naammassisat pingaartinnerullugit susassaqaqatigiittut suleqatigiinneq.

Atorfinitsittinissami atorfimmut piumasaqaatit:

Naalakkersuisunik isumaqatigiissutit atorfinitussallu kattuffianit isumaqatigiiissutit atuuttut malillugit aningaasarsiassaqartitsisoqassaaq atorfinitsittisoqarlunilu.

Atorfininnermi angalanissamut pisattallu angallannissaannut akiliunneqassaatit, ukiullu pingasut atorfeqareeruit, angerlarnissamut pisattallu angallanneqarnissaannut akiliunneqassallutit.

Inissiamik pequsersoriikkamik inissaqartitsisoqarpoq, malittarisassallu atuuttut malillugit akilersuisoqassaaq. Nuummi inissaaleqinersuaq pissutigalugu sivisujaamik utaqqinissaq ilimagisariaqarpoq, vakant-imilu najugaqartitsisoqassaaq.