Inerisaavik/Pilersuiffik

Pilersuiffiup pingaarnertut suliassaraa meeqqat atuarfiat pinerullugu atuartitsinermi atortussa­nik paasissutissiinissaq aamma atorniartitsineq. Saqqummiivik Atorniartarfimmit (Informationssamlingimit) aamma Atuartitissutinik Atorniartarfimmit (Fællessamlingimit) aammattaaq atuartitsinerni atortussatut tapertassat suliarineqartarput. Båndit tusarnaagassiat immiunneri aamma video atorlugu isiginnaagassiat kalaallisuunngorlugit nutserneqarneri Atuartitsissutinik Atorniartarfimmi pisarput.
Pilersuiffiup atuagassiaq Pilersuiffik Information, PI, saqqummersittarpaa.
Inatsisartoqarfimmit, Namminersornerullutillu Oqartussat pisortaqarfiinit suliassiissutit illumi immikkoortortami ilioqqaasunit aamma naqiterisunit suliarineqartarput. Aammattaaq atuartitsinermi atortussat kiisalu illumi sammisassat pillugit paasissutissatut atortussat suliarineqartarlutik.
Atuartitsissutinik Peqqumaataasivimmit siammarterneqartarput makku: atuartitsinermi atugassanik Ilinniusiorfimmiit atortussat atuarfeqarfinnut tamanut agguaassassat aamma ilaatigut Inatsisartut inatsisaat Inatsisartoqarfimmit suliassiissutigineqarsimasut.

Inerisaavik tassaavoq perorsaanikkut inerisaanermik ilinniartitsisunillu pikkorissartitsisarnernik ingerlataqartoq.
Suliamut atatillugu atuarfinnut ilinniartitsisunullu pikkorissartitsisarnerit siunnersuisarnerillu, Inerisaavimmi siunnersortinit ingerlanneqartarput.
Meeqqat atuarfianut atatillugu misilitsissutissanik piareersarnerni nalilersuinernilu siunnersortit peqataasarput. Taamatuttaaq "Atuarfitsialak" pillugu suliaqarnermi Inerisaavik peqataavoq, siunissamilu meeqqat atuarfiannut peqqussutissap nutarterneqarnissaanut piviusunngortitsiniarnermi annertuumik sunniuteqassalluni

Inerisaavik / Pilersuiffik
Postboks 1610
3900 Nuuk
Oqarasuaat: +299 32 15 02
Faxi: +299 32 54 33
E-mail: inerisaavik@inerisaavik.g
Hjemmeside: http://www.inerisaavik.gl