Paaqqinnittarfiit

Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfiup matuminnga ilisimatitsissuteqarnermigut ulluunerani paaqqinnittarfinnut inatsisit atuuttut pillugit ataatsimut takussutissiorniarpoq. Suliassaqarfik 2002-mi decemberimi naalakkersuisooqatigiinnissamik isumaqatigiissutip kingunerisaanik Isumaginninnermut Naalakkersuisoqarfiusimasumit, maanna Ilaqutariinnermut Naalakkersuisoqarfimmit, Ilinniartitaanermut Naalakkersuisoqarfimmut nuunneqarpoq.

Ukiuni aggersuni ilaatigut Meeqqerivitsialaap sulissutigineqarnerata kingunerisaanik ulluunerani paaqqinnittarfinnut tunngasut nutarterneqassapput. Suliap tamatuma 2006-imi upernaakkut aallartinneqarnissaa naatsorsuutigineqarpoq, tamatumani pisortaqarfik najukkani sulisut, angajoqqaat suliamillu ilisimasaqarluartut ineriartortitsinermi peqataatinniarlugit pilersaaruteqarpoq.

Tamatuma saniatigut maleruaqqusanik najoqqutarisassanillu iluarsaassinissaq erseqqissaanissarlu pillugit ulluunerani paaqqinnittarfiit pillugit inatsisinik allanik naalakkersuisoqarfik allanngortiterilersaarpoq.

Suliassaqarfimmi inatsisisit makku atuupput:

Peqqussutit

Nalunaarutit 

• Meeqqat kommunip ulluunerani paaqqinnittarfiutaaniinnerinut kommunillu aaqqissugaanik ulluunerani angerlarsimaffimmi paaqqinniffinniinnerinut akiliuteqartarneq pillugu Namminersornerullutik Oqartussat nalunaarutaat nr. 18, 14. september 2006-imeersoq

Kaajallaasitat

• Ulluunerani angerlarsimaffinni paaqqinniffinni ulluuneranilu paaqqinniffinni kiisalu meeqqanut ulloq unnuarlu paaqqinniffinni nappaatit tunillannartut sillimaffiginiarlugit malittarissasat pillugit Isumaginninnermi Pisortaqarfiup kaajallaasitaa nr. 188, 21. marts 1988-imeersoq

Allamik 

• Ulluunerani paaqqinnittarfiit pilersinneqartarnerannut, ilusilersorneqartarnerannut, siulersornerannut ingerlannerannullu ilitsersuut
• Kommunit ulluunerani paaqqinnittarfiutaannut ileqqoreqqusat

Naalakkersuisoqarfiup malugeqquaa suliassaqarfimmi tassani Isumaginninnermut Naalakkersuisoqarfiup kaajallaasitai, ilitsersuusiai malittarisassiaalu aalajangersimasut Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfimmut ullumikkut atammata.