Namminersorlutik Oqartussat isumannaatsumik imarsiornissaq pillugu paasititsiniaa-nermik nutaamik aallarniipput.
Imarsiornermi isumannaatsumik pissusilersornissaq Naalakkersuisut pingaarteqaat, unalu paasititsiniaaneq Kalaallit Nunaata imartaani imarsiornikkut suli isumannaanne-rulersitsiniarnitta ilagaa". Taama oqarpoq Ineqarnermut, Attaveqarnermut Angallan-nermullu Naalakkersuisoq Jens B Frederiksen.
Paasititsiniaanermi nutaami najukkani maligassiuisut sisamat najugarisaminni qanoq isumannaatsumik imarsiortoqarsinnaaneranik siunnersuuteqarput, kisiannili aamma nalinginnaasunik siunnersuuteqarlutik nunatta sinnerani iluaqutaasumik malinneqar-sinnaasunik.
Paasititsiniaaneq radiukkut aallakaatitanik sisamanik tamarmik Tunumi Kujataanilu immiunneqarsimasunik aallartissaaq kingusinnerusukkullu TV-kkut allakaatitat sisamat sumiiffinni taakkunani aammaa immiunneqarsimasut aallakaatinneqassallutik. Radiokkut TV-kkullu aallakaatitassiat taakkua aappaagu radikkut aallakaatitanik sisamanik aammalu TV-kkut aallakaatitanik sisamanik Kitaani Avannaanilu immiussaasunik malitseqartinneqassapput.
Paasititsiniaanerup siunertaraa Kalaallit Nunaata imartaani ajutoortarnernut ujaasi-sarnernullu peqqutaasartut ilaannik qaammaasaqartitsinerulernissaq, qanorlu iliorluni tamakku pinngitsoortinneqarsinnaanersut.
"Immakkut angalalluni nuannersuuvoq kulturittami oqaluttuarisaanittalu ilagaat. Sun-ngiffitsinni inuutissarsiutigalugulu umiartortarpugut. Taamaammat pingaaruteqarpoq umiartornermi isumannaatsumik pissuseqarnissap puigunngisaannarnissaa, apeq-qutaatinnagu nammineq sunngiffimmi imaluunniit inuutissarsiutigalugu umiatsiarnerluni", oqarpoq Ineqarnermut, Attaveqarnermut Angallannermullu Naalakkersuisoq Jens B. Frederiksen.
Paasititsiniaaneq aallartissaaq sisamanngornermi 14. april KNR radio aqqutigalugu, aammalu TV-kkut aallakaatitassat siulliit takutinneqassapput ataasinngornermi 16. maj KNR TV-kkut.