Jørgen Wæver Johansen-ip aamma Søren Gade-p qulimiguulimmik ataatsimut aaqqiissuteqarnissaq isumaqatigiissutigaat, Namminersornerullutik Oqartussat Naalagaaffiullu aningaasartuutitigut 1 mio. kr. avitseqatigiiffigissagaat.
Taamaalilluni periarfissaq siulleq atorlugu Air Greenlandip Kangilinnguanut mittalernissaa isumaqatigiissusiorfigineqassaaq, sumiiffimmi innuttaasut qulimiguulimmik Narsarsuarmut Paamiunullu angalasinnaalernissaat qulakkeerniarlugu. Isumaqatigiissutilli atortuulersinneqannginnerani Inatsisartut Aningaasaqarnermut Ataatsimiititaliaat akuerseqqaassaaq.
¿Nuannaarutigeqaara Søren Gade-lu taamatut ataatsimut aaqqiissutissamik isumaqatigiissinnaagatta, taamaalilluni Arsummi, Ivittuuni Kangilinnguanilu innuttaasut angalaniarnikkut periarfissanik pitsaanerusunik qulakkeerussinnaagatsigik. Taamak qulakkeerussinerup maanna imaatigut angalanissamut periarfissat tapertaraat qulakkiissallugulu Kangilinnguani sakkutooqarfiup sukkanerusumik Narsarsuarmut attaveqarnissamut pisariaqartitsinerata aaqqiivigineqarnissaa. Taamaattumik neriuutigaara Inatsisartut Aningaasaqarnermut Ataatsimiititaliaata taamak aaqqiissuteqarneq tigulluassagaat, taamaalilluta Air Greenlandimut piaartumik isumaqatigiissuteqarnissaq anguneqarsinnaaniassammat. Taamak isumaqatigiissuteqarnerup qulakkiisavaa sapaatip akunneranut ataasiarluni Kangilinnguaniit Narsarsuarmiit Paamiuniillu qulimiguulimmik tikinneqartarnissaa.¿ Jørgen Wæver Johansen oqarpoq.
Paasisaqarnerorusukkuit Jørgen Wæver Johansen attaveqarfigiuk, oqarasuaat 55 96 72.