Aningaasaliissutinit iluanaarutissat inissiap kvadratmeterimut akiata 1 ½ %-eraa inissiamik piginnittumut tigusassanngortinneqartartut.
Ineqarnermut akiliutit iluarsiivigineqarnissaat pillugu allakkanik ilimasaarutinik nutaanik A/S Inissiaatileqatigiiffik INI-p nassiussuinissaanik Naalakkersuisut aalajangiinerannut ilaatigut pissutaavoq siusinnerusukkut ilimasaarutaasumi erseqqissumik paasineqarsinnaanngimmat aningaasaliissutinit iluanaarutissat aamma allannguuteqassanersut.
Aningaasaliissutinit iluanaarutissat allannguuteqartinneqassanersut A/S Inissiaatileqatigiiffik INI-p, kommunit ataasiakkaat imaluunniit Naalakkersuisut aalajangersinnaanngilaat. Aningaasaliissutinit iluanaarutissat amerlassusissaat inissianik attartorneq pillugu Inatsisartut peqqussutaanni aalajangersagaavoq.
Naalakkersuinikkut aningaasaqarnikkullu Inatsisartut allani pingaarnersiuinerannut atatillugu aningaasaliissutinit iluanaarutissat amerlassusissaat Inatsisartut aalajangiiffigisassaraat.
Taamaattumik ingerlatsinermut, allaffissornermut najugaqaqatigiiffinnilu ataasiakkaani aserfallatsaaliuinermut akissaajaatit kisiisa pissutigitillugit ineqarnermut akiliutinik 2003-mi allannguisinnaaneq pisinnaanngilaq.
* Ineqarnermut akiliutit katitigaapput ilaatigut piginnittup aningaasaliissutigisimasaminit iluanaarutissaanik ilaatigullu ingerlatsinermut, allaffissornermut aserfallatsaaliuinermullu aningaasartuutinik.
Tusagassiorfinnut nalunaarut una pillugu saaffigineqarsinnaavoq Kontorchef, Dorthe Johannsen, tlf: 34 54 43