Inissialiornermut tapersiissuteqartarneq pillugu Inatsisartut peqqussutaata allan-ngortinneqarneranik Inatsisartut peqqussutaata nr. 3-p, 12. maj 2005-imeersup Inatsisartut 2005-imi upernaakkut ataatsimiinneranni akuerineqarnermi kingorna atuutilernerata malitsigisaanik Naalakkersuisunut ilaasortap Jørgen Wæver Johan sen-ip qinnuteqaatit siuliani taaneqartut aqunneqartarnerannut nalunaarut nutaaq Naalakkersuisunut akuersissutigitippaa.
Nalunaarutip nutaap Inatsisartut aaqqissuussinermi siunnerfigisaasa suliat ingerlasarnerisa sivitsuloortarnerinit ipitinneqannginnissaat qulakkeerneqassaaq, nalunaarummi qinnuteqaatit ingerlasarnissaannut ersarissunik malittarisassiuisoqarmat.
Malittarisassat erseqqissut innuttaasunut qinnuteqarsinnaatitaasunut iluaqutissanngortinneqassapput, malittarisassat malillugit piffissap sivikitsuinnaap ingerlanerani aningaasaqarnikkut atukkat erseqqissumik takussutissiorneqarsinnaammata, taamaalillunilu ulluinnarni inuunermi aningaasakilliorneq pingaannginnerusunngorlugu aallutat allamut nuunneqarsinnaallutik.
Inoqutiginni isertitat apeqqutaallutik qinnuteqartoq imaattunik periarfissaqarpoq:
- Akiligassanngortunik akiitsullu sinnerinik isumakkeerfiginninneq.
- Taarsigassarsianik allanngortitsineq.
- Allanngortitsiniarluni taarsigassarsineq.
Qinnuteqaatit ataasiakkaat A/S Inissiaatileqatigiiffik INI-mut tunniunneqassapput, tassanngaanniillu ingerlateqqinneqarnissaat isumagineqassalluni.
Aaqqissuussineq Inatsisartut Kalaallit Nunaat tamakkerlugu BSU-mit taarsigassarsillutik illuutillit atugaannik pitsannguiniarlutik suliniutaasa ataatsimoortut ilagisaattut isig ineqassaaq. Nalunaarutip atuutilerneratigut nuna tamakkerlugu annertuumik suliniuteqarnissaq aallarnerneqarpoq, tassanilu BSU-mit taarsigassarsillutik illuutillit tamarmik qinnuteqaqqullugit kaammattorneqarput.
Allanik apeqqutissaqartoqarpat imaluunniit itinerusumik paasisaqarnissaq pisariaqartinneqarpat allaffeqarfiga attaveqarfigineqarsinnaavoq.