Mittarfeqarfinni pisortaq, Niels Kreutzmann, toqukkut qimaguppoq.

Ajuusaarutigalugu aliasuutigalugulu Niels Kreutzmann-ip siusippallaarujussuartumik unnuaq inuummarleriasaarnermi kingorna toqukkut qimagunnera pillugu nalunaarut Namminersorlutik Oqartussat tiguaat.

Siullermik pingaarnertullu ilaqutai ataataminnik aapparminnillu asannittumik annaasaqartut eqqarsaatitsinniipput.

Niels suliffimminut, suleqatiminut sulisuminullu inuttut sulilluarnermigullu Mittarfeqarfinnut annertuumik pingaaruteqarsimavoq. Niels suliffeqarfiup aaqqissuussaanerani sutigut tamatigut annertuunik pingaarutilinnillu suliaqarnera takussutissaqarpoq. Taamaattumik akornatsinniigunnaarnera suli annermik paasiuminaappoq.

Mittarfeqarfiit sulisui ullumi sapaammik nalunaarummik alianartumik taassuminnga nalunaarfigineqarput. Mittarfeqarfinni sulisut akornanni minutsi ataaseq nipaallisimaartoqassaaq.