Arsakut nakkaanerat maannakkorpiaq ulorianaateqanngilaq

Innermik anitsinerup arsakui maannakkorpiaq Maniitsumiit kujammut kujataata kitaata silaannartaaniipput. Arsakut nakkaanerat maannakkorpiaq inunnut imaluunniit uumasunut peqqinnissakkut ulorianaateqanngilaq.

Maniitsumiit kujammut timmisartumik angallanneq maannakkut unitsinneqarpoq.

Upalungaarsimanissamut ataatsimiititaliaq paasissutissanik oqartussanit assigiinngitsunit ingerlaavartumik pissarsisassaaq, tassanilu ilaapput angallannermut oqartussat. Upalungaarsimanissamut ataatsimiititaliap Air Greenland aamma Mittarfeqarfiit qanimut suleqatigai.

Upalungaarsimanissamut Ataatsimiititaliap pisoq malinnaaffigaa alapernaarsorlugulu. Naalakkersuisut, innuttaasut kiisalu tusagassiiviit pisunik ilisimatittassallugit.

Pisup allannguuteqarnerani Upalungaarsimanissamut Ataatsimiititaliaq tamanna pillugu ilisimatitsissaaq.

Upalungaarsimanissamut Ataatsimiititaliami ilaasortaatitaqarput Ineqarnermut, Attaveqarnermut Angallannermullu Naalakkersuisoqarfik, Nunatsinni nakorsaaneqarfik, KANUKOKA, Politimestereqarfik, Grønlands Kommando, Kalaallit Nunaanni Rigsombudi, Nunami Namminermut, Pinngortitamut Avatangiisinullu Naalakkersuisoqarfik (taasisinnaatitaanani ilaasortaq), Peqqissutsimut Naalakkersuisoqarfik (taasisinnaatitaanani ilaasortaq).

Aamma takuuk: Innermik anitsisup kingunerisaanik arsakut tikippaatigut