Nunat saniliusut niueqatigineqarnerisa aallunneqarnissaa

Naalakkersuisut Royal Arctic Line-p ingerlanneqarnera naammag isimaarpaat. Tamanna Royal Arctic Line-p ataatsimeersuarnerani nalinginnaasumi, ullumikkut ualisoq Nuummi Hotel Hans Egede-mi ingerlanneqartumi saqqummiunneqarpoq.

Naalakkersuisut maluginiarpaat, aningaasaqarnikkut nalorninartorsiorneq ingerlagaluartoq Royal Arctic Line-p aningaasartuutikillisaaneq pikkoriffigisimagaa angusarissaarsimasorlu. Tamanna imminermini naammaginartutut isigineqarpoq.

Nunat sanilitta, taakkununngalu ilaallutik Island aamma Amerikap avannarliup nunavittaa, suleqatigineqarnerisa niueqatigineqarnerisalu annertusineqarnissaa Naalakkersuisut anguniarpaat. Tassanilu Royal Arctic Line taamatut anguniagaqarnerup piviusunngortinniarneqarnerani pingaarutilittut inissisimasoq Naalakkersuisut isumaqarput.

- Royal Arctic Line-p suliassaqarfimmik tamatuminnga aallussiinnarnissaa Naalakkersuisut naatsorsuutigaat. Taamaattumik nuannaarutigalugu maluginiarparput, Royal Arctic Line-p A. P. Møller – Maersk Gruppenip piginneqatigiiffia, Danbor Service A/S suleqatigalugu ingerlatseqatigiiffik Arctic Base Supply A/S 1. januar 2010-mi pilersissimagaa, Ineqarnermut, Attaveqarnermut Angallannermullu Naalakkersuisoq Jens B. Frederiksen piginnittut sinnerlugit oqalugiarnermi ilaatigut taama oqarpoq.

Ingerlatseqatigiiffiup nutaap sullissinerminik uuliasiorfiutileqatigiiffinnut, siunissami Kalaallit Nunaata imartaani suliaqalertussanut neqerooruteqartarnissaq siunertaraa.

- Naalakkersuisut taamatut suliniuteqartoqarnera iluarisimaarpaat. Ingerlatseqatigiiffik nassiussat ikiliartornerannik il.il. eqqornerlunneqaraluarluni nutartersinnaasimammat niuerfinnillu nutaanik pilersitsisinnaasimammat nuannaarnarpoq, Jens B. Frederiksen oqarpoq.

Piginnittup nalunaarutaa april 2010
Siulersuisut nalunaarutaat 2010
Siulersuisunngortut april 2010