Aaqqissuussaanera

IAAN aaqqissuussaanermini sisamanik immikkoortortaqarfeqarpoq, tassalu: Kiffartuussinermut, Aningaasaqarnermut Sulisoqarnermullu immikkoortortaqarfik, Nuna tamakkerlugu pilersaarusiornermut suliniutinullu immikkoortortaqarfik, Attaveqarnermut Nukissiuuteqarnermullu immikkoortortaqarfik aamma Ineqarnermut Illuutinullu immikkoortortaqarfik.

Kiffartuussinermut, Aningaasaqarnermut Sulisoqarnermullu immikkoortortaqarfiup sulisoqarnermut, aningaasaqarnermullu tunngasut pillugit naalakkersuisoqarfik tamakkerlugu sullitaraa. 

Tamatuma saniatigut immikkoortortaqarfiup isumagisarai ataqatigiissaarineq, naalakkersuisoqarfiup suliassaqarfiini Naalakkersuisut aamma Inatsisartut suliassaannik nutserisitsineq pitsaassusaannillu qularnaarineq kiisalu Naalakkersuisup aammalu naalakkersuisoqarfimmi pisortap kiffartuunneqarneri.

Nuna tamakkerlugu pilersaarusiornermut suliniutinullu immikkoortortaqarfiup isumagisarai nuna tamakkerlugu pilersaarusiorneq kommuninut pilersaarutinik kommuninullu pilersaarutinut tapiliussanik akuersissuteqartarneq, ilanngullugit illoqarfiit nunaqarfiillu killeqarfiisa avataanni nunaminertanik atugassiisarnerit, nunaminertanik atuineq pilersaarusiornerlu pillugit sulianik maalaarutit aamma NunaGis, tamatumalu saniatigut illuliornermut suliariumannittussarsiuussinermullu inatsisinik aqutsineq kiisalu naalakkersuisoqarfiup suliassaqarfiini paasissutissiisarneq. Immikkoortortaqarfik aamma naalakkersuisoqarfiup suliassaqarfiini suliniutissanut atatillugu immikkoortortaqarfinnut ikiuuttarpoq.

Attaveqarnermut Nukissiuuteqarnermullu immikkoortortaqarfik marlunnik allaffinnik immikkoortoqarpoq, Silap pissusaanut aamma Nukissaqarnermut allaffik, aamma Attaveqarnermut allaffik. Tassanngaanniit suliassaqarfiit pineqartut iluini misissueqqissaarnerup, ineriartortitsinerup aamma aqutsinerup iluini suliassat isumagineqartarput.

Ineqarnermut Illuuteqarnermullu immikkoortortaqarfiup isumagisarai ineqarnermut suliassaqarfimmi ataatsimut isigalugu periusissat, Namminersorlutik Oqartussat pigisaannik sillimmasiissutit, Namminersorlutik Oqartussat illuutaannik pisineq tunisinerlu, Nunap iluani Upalungaarsimasuutitaqarnerup piviusunngortinnissaa, kommunini qatserisartoqarfinnik nakkutilliineq, qatserisartut ilinniartitaanerannik nakkutilliineq, qaartiterutissanik eqqussisarnerup, toqqorsimatitsisarnerup, tunniussisarnerup atuisarnerullu nakkutigineqarnera. Taamatuma saniatigut Upalungaarsimanermut ataatsimiititaliamut allattoqarfik isumagisaraa