Uumasunik Kalaallit Nunaannut eqqussineq

Tamatigut eqqaamallugu, angalatillutit uumasuutivit timmisartuussisartuniit ilaatinneqarsinnaanera qulakkiissallugu.

Qimmit pillugit

Qimuttoqarfimmut (allorniusat sanimukartut 66-it avannaani) akuerisaanngilaq qimminik eqqussisoqarnissaa, aamma kalaallit qimmii qimuttut qimuttoqarfiup avataaniissimasut eqquteqqinneqarnissaat akuerisaanngilaq. Immikkut piumasaqaateqarnikkut qimmit eqqunneqarsinnaasutuat tassaapput politiit qimmii, qimmit ikiaroornartunik tipisiuisartut aamma innarluutillit qimmii.

Allorniusat sanimukartut 66-ip kujataani qimminik eqqussinissamut akuersisoqarsinnaavoq. Akuersissut pissarsiariniarlugu Københavnimi Kalaallit Nunaata Aallartitaqarfiata uppernarsaatit makku pissarsiarissavai:

• Kalaallit Nunaanni kommunimit najugaqarfissamit qimmiuteqarnissamut akuersissut.
• Perlerornermut akiuussutissamik kapitissimanermut uppernarsaat sivikinnerpaamik ullunik 30-nik sivisunerpaamillu ukiumik ataatsimik pisoqaassusilik.
• Qimmiaqqat qaammatit pingasut inorlugit utoqqaassusillit perlerornermut kapitissimanissaat pisariaqanngilaq, qimmiaqqap arnaanut perlerornermut kapitissimaneranik uppernarsaammik takutitsisinnaagaanni.
• Qimmit nappaataannut aamma parvovirusimut akiuussutissamik kapitissimanermut uppernarsaat.
• Uumasut nakorsaannit peqqissuunermut uppernarsaat, siusinnerpaamik aallarnissaq ullunik 14-nik sioqqullugu.
• Qullugianut katsorsarneqarsimaneq pillugu piginnittumit nalunaarut aamma aallarnissaq sioqqullugu ulluni 14-ini immikkoortitaasimaneq.
• Qimmeq arnaviaappat kinguaassiorsinnaajunnaarneq pillugu uppernarsaat.

Aammattaaq qimmit tikinnerup kinguninnguatigut kommunimi najugaqarfimmi nalunaarsorneqassapput.

Qimmerisaq Danmarkimut nassarneqarsimappat, aamma Kalaallit Nunaannut eqquteqqinneqarniarpat maleruagassat taakku aamma atuutissapput.

Qitsuit pillugit

Qitsuit Kalaallit Nunaannut eqqunnissaat inerteqqutaavoq. Taamaattorli Københavnimi Kalaallit Nunaata Sinniisoqarfianut akuersissummik qinnuteqartoqarsinnaavoq:

• Inerteqqussuk pillugu Fødevaredirektoratimit, Mørkhøj Bygade 19, 2860 Søborgimiit immikkut akuersissummik peqaraanni.
• Najugarisami qitsuuteqarnissamut akuersissummik kommunimit najugaqarfissamit nalunaarummik peqaraanni.
• Perlerornermut akiuussutissamik kapitissimanermut uppernarsaammik sivikinnerpaamik ullunik 30-nik sivisunerpaamillu ukiumik ataatsimik pisoqaassusilimmik peqaraanni.
• Qitsuaqqat qaammatit pingasut inorlugit utoqqaassusillit perlerornermut kapitissimanissaat pisariaqanngilaq, qimmiaqqap arnaanut perlerornermut kapitissimaneranik uppernarsaammik takutitsisinnaagaanni.
• Uumasut nakorsaannit peqqissuunermut uppernarsaammik, siusinnerpaamik aallarnissaq ullunik 14-nik sioqqullugu peqaraanni.
• Qullugianut katsorsarneqarsimaneq pillugu piginnittumit nalunaarummik peqaraanni aamma aallarnissaq sioqqullugu ulluni 14-ini immikkoortitaasimappat.

· Aammattaaq qitsuutit tikinnerup kinguninnguatigut kommunimi najugaqarfimmi nalunaarsorneqassaaq.

Qitsuutigisaq Danmarkimut nassarneqarsimappat, aamma Kalaallit Nunaannut eqquteqqinneqarniarpat maleruagassat taakku aamma atuutissapput.

Kaniinanik, marsvininik, hamsterinik, aalisagaaqqanik, saanilunnik, timmiaaqqanik inimiittartunik, papikuujunnik uumasunillu allanik eqqussiniarnermi maleruagassat Fødevarestyrelsip nittartagaaniittut takukkit www.fvst.dk.

Tamatigut eqqaamallugu angalatillutit uumasuutivit timmisartuussisartuniit ilaatinneqarsinnaanera qulakkiissallugu.

Paasissutissat pisariallit:

Namminersorlutik Oqartussat Danmarkimi Sinniisoqarfia

Strandgade 91

Postboks 2151

DK-1016 København K.

tlf. (+45) 32 83 38 00

Fax nr.(+45) 32 83 38 01

E-mail: journal@ghsk.dk

aaqqissuuteqqinneqarfia: 02.04.2012