Immikkoortortaqarfiit aalisarneq, piniarneq, nunalerineq aamma inuussutissanut tunngatillugu sulianut Inatsisartunut tunngasutigut Naalakkersuisunut sullissinermut peqataapput, inuutissarsiutinut tapiissutit pillugit inatsisiliornermi ilusilersueqataaneq, aalisarnermut aningaasaliissutinut immikkoortitat aammalu aalisarnermi, piniarnermi nunaateqarnermilu tapiissutit tassanilu ilaallutik allaffissorneq aamma sineriassorluni aalisarnerup aaqqissuussaanikkut tunngasutigut qinnuteqaatinut ingerlatitseqqiinerit, kiisalu aalisartunut piniartunullu siunnersortit, tassani ilaalluni KNAPK-mik sullinneqarnissamik isumaqatigiissut.
Allattoqarfik
Allattoqarfiup Naalakkersuisunut ilaasortaq aamma Naalakkersuisoqarfimmi pisortamut sullissivoq. APNN-ip Naalakkersuisunik aamma Inatsisartut politikkikkut tungaatigut suleqatiginninneranut tunngatillugu ataqatigiissaarineq. Naalakkersuisut aamma Inatsisartunut sulianut tunngatillugu ataqatigiissarineq, nutsigassat aamma suliat pitsaassusaannik qulakkeerinninneq, kiisalu Allattoqarfik aqutsinermi allattoqarfittut inissisimavoq. Aammattaaq naalakkersuisoqarfiup paasissutissiisarneranut suliassat isumagisarai.
Aningaasaqarneq, Allaffissorneq aamma HR
Immikkoortup taassuma naalakkersuisoqarfimmi allaffissornikkut, aningasaqarneq aamma sulisoqarnermut tunngasut isumagisarai, tassunga ilaalluni naalakkersuisoqarfiup missingersuutai aamma missingersuutitigut malittareqqiinerit. Immikkoortortaq naalakkersuisoqarfitsigut aamma naalakkersuisoqarfiit akimorlugit suliassat isumagineqarnerini peqataavoq aamma illup iluani allaffissornikkullu suliassarpaalunnut ataqatigiissaarinermik suliaqarpoq. Nunami nunarfinnilu tunisassiorfinnut tunngatillugu sullinneqarnissamik isumaqatigiissuteqarnerit.
Inatsiseqarnermut immikkoortortaq
Aalisarnermik inuutissartissarsiutitigut inatsisiliornikkut ataqatigiissaarineq aallarnisaanerillu suliassarai. Naalakkersuisunut ilaasortamut aamma Naalakkersuisoqarfimmut ataatsimut isigalugu inatsisit tungaasigut nassuiaassineq siunnersuinerlu.
Piniarnermut aallaaniarnermullu immikkoortortaqarfik
Immikkoortortap suliarai piniarnermi, aallaaniarnermi akiliuteqarlunilu piniartitsinermi inatsisiliornermi allaffissornikkut suliat ingerlanneri. Nunat tamat akornanni atassuteqaatit aamma kattuffinnik isumaqatigiissutinut tunngasut, pisuussutit uumassusillit malittarisassiuunneqarnerinut isumaqatigiissutinut tunngatillugu. Pisassiissutit taakkulu naalakkersuisoqarfitsigut allaffissornikkullu suliassat, ilagalugu piniarsinnaanermut akuersissutit. Piniarsinnaanermut allagartanik aaqqissuussineq allaffissornikkullu suliassartai. Ilaatigut suliat allat tassaapput Piniarnermut Siunnersuisoqatigiinnut allattoqarfittut inissisimaneq.
Nunalerineq Inuutissarsiutitigullu tapersiisarnermut immikkoortortaq
Kalaallit Nunaanni nunalerinikkut inuutissarsiuteqarnikkut tunngasutigut inatsisiliornikkut aamma allaffissornikkut ingerlatsineq immikkoortortap suliassaqarfigai. Nunalerinermik suliassaqarfimmut sammititamik inuutissarsiutinik siuarsaaneq ineriartortitsinerillu, ilagalugu aqutsineq aamma allaffissorneq. Immikkoortortap ESU-mik tunngaveqarluni tapissuteqartarnermik aaqqissuussineq, taamatullu aalisarnermut aningaasaliissutinut immikkoortitat, aallarteqqinnissamut tapersiissutit kiisalu aalisariutit pisoqalisimasut sequtsernissaannut tapiisarnermut aaqqissuussineq. Savaaqqanik savanillu tunisinermut tapiissutit, tassunga ilaalluni Neqi A/S-imik sullinneqarnissamik isumaqatigiissut. Suliat ilagaat Nunalerineq pillugu Siunnersuisoqatigiinnut allattoqarfittut inissisimaneq.
Uumasunut nakorsaqarneq
Immikkoortortap suliarai Kalaallit Nunaanni erngup pitsaassusaanik ingerlaavartumik nakkutiginninneq. Uumasut atugarissaarnissaat aamma uumasunik illersuineq ilaatigut avannaani qimmit qimuttunut tunngatillugu kiisalu Kujataani savaateqarneq savallu qimmiisa paarilluarnissaat illersorneqarnissaallu aamma Kalaallit Nunaat tamakkerlugu uumasuutit. Immikkoortortap susassaqarfiinut ilaapput suliffeqarfinnik inuussutissaleriffiusunik akuersisarneq, inuussutissanik nakkutilliineq, Kalaallit Nunaannut uumasunik eqqussineq nunatsinniillu annissineq, zoonoser il.il.
Aalisarnermut immikkoortortaq
Suliassarai Kalaallit Nunaanni aalisarnikkut inuutissarsiummut tunngatillugu allaffissornikkut ingerlatsineq ineriartortitsinerlu. Immikkoortortap kalaallit nunallu allamiut Kalaallit Nunaata imartaani aalisarnerisa allaffissornikkut aqunneqarnera malittarisaatigullu naleqqussaaneq isumagisaraa. Tamatumunnga atatillugu pisassiissutit akuersissutillu allaffissornikkut aqunneqarneri ingerlatarai. Angallammik tunitsiviliinissamut qinnuteqaatinik suliarinninneq. Nunat tamat akornanni aalisarnerup sammineqarnerani immikkoortortaq isumaqatigiinniarnerni illugiilluni aalisarnikkut isumaqatigiissuteqarnerit aamma nunarsuup immikkoortuini aalisarnikkut suleqatigiiffinni sulinermut peqataavoq.
Aalisarsinnaanermut Akuersissutinik Nakkutilliisoqarfik & Aallaaniarnermut aalisarnermullu nakkutilliisoqarneq
KANUAANA-p pingaarnertut anguniagaraa Namminersorlutik Oqartussat aalisarnermi piniarnermilu inatsisiliornikkut malittarisassanik malitsitsinissaq. Tassunga ilaalluni nunat tamat akornanni aalisarnermik suleqatigiiffinni Kalaallit Nunaata peqataaffigisaani isumaqatigiissutit malitsigisaanik malittarisassat malitsinneqarneri. Aammattaaq aalisarneq pillugu ilisimasanik katersinissaq KANUAANA-p suliassaasa ilagaat, aalisarnerup pilersaarusiorneqarnerani pitsanngorsaanermi atugassat aamma uumassusilerisunit aalisarnermi isumalluutit iluaqutigineqarnerat pillugu siunnersuinerup pitsanngorsaanissaq siunertaralugu.
Piniarnermik aalisarnermillu nakkutilliisoqarnerup pisuussutit uumassusillit iluaqutigineqarnerisa piujuartitsineq tunngavigalugu ingerlanneqarnissaat peqataaffigissavaa. Aaqqissuussinerup taassuma pingaarnertut siunertaraa Kalaallit Nunaanni piniarnerup aallaaniarnerup aamma aalisarnerup nakkutigineqarnissaa Inatsisartut inatsisaanni, nalunaarutini aamma kommunini maleruaqqusatigut aalajangersakkat naapertorlugit.