Tusagassiorfinnut nalunaarut
Aalisarneq pillugu Siunnersuisoqatigiit pingasunngornermi januaarip ulluisa 18-ianni 2006-mi siullermeerlutik ataatsimiipput.
Aalisarneq pillugu Siunnersuisoqatigiit suleriaasiat malillugu qaammatisiutit ukiuanni nutaami ataatsimiinnermi siullermi siulittaasumik siulittaasullu tullianik toqqaasoqartarpoq. Siulittaasoq APK-mit KNAPK-miillu paarlakaattumik toqqarneqartarpoq taaneqartut tulleriinneralugit.
2006-mi APK siulittaasuutitaqartussaavoq. Aalisarneq pillugu Siunnersuisoqatigiit isumaqatigiissutigaat direktør Peder Munk Pedersen Aalisarneq pillugu Siunnersuisoqatigiinnut siulittaasutut toqqarneqassasoq.
Siulittaasup tullia tassaavoq Peter Olsen, KNAPK-mi direktøriusoq.
Aalisarneq pillugu Siunnersuisoqatigiit aalisarnermi soqutigisaqaqatigiinnit katitigaasut suliani aalisarnermut tunngasuni naalakkersuisunut siunnersuisarnissaq suliassaraat.
Nuuk, ulloq 18. januar 2006
Trine Brander Christensen
Aalisarneq pillugu Siunnersuisoqatigiinnut allatsi