Aalisarneq pillugu Siunnersuisoqatigiit tallimanngornermi julip ulluisa 8-anni 2005-mi ataatsimiipput.
Aalisarneq pillugu Siunnersuisoqatigiit suleriaasiat malillugu qaammatisiutit ukiuanni nutaami ataatsimiinnermi siullermi siulittaasumik siulittaasullu tullianik toqqaasoqartarpoq. Siulittaasoq APK-mit KNAPK-miillu paarlakaattumik toqqarneqartarpoq taaneqartut tulleriinneralugit.
2004-mi APK siulittaasuutitaqarsimavoq, taamaattumillu 2005-imi KNAPK siulittaasussaamik toqqaasussanngorsimalluni. KNAPK-ip siuttuini inuit paarlakaassimanerat pissutigalugu aatsaat maannakkut KNAPK periarfissaqalersimavoq siulittaasutut toqqaneqartussamik innersuussuteqassalluni.
Aalisarneq pillugu Siunnersuisoqatigiit isumaqatigiissutigaat APK-ip pisortaa Peter S. Olsen Aalisarneq pillugu Siunnersuisoqatigiinnut siulittaasutut toqqarneqassasoq.
Siulittaasup tullia tassaavoq Peder Munk Pedersen, APK-mi pisortaq.
Aalisarneq pillugu Siunnersuisoqatigiit aalisarnermi soqutigisaqaqatigiinnit katitigaasut suliani aalisarnermut tunngasuni naalakkersuisunut siunnersuisarnissaq suliassaraat.
Nuuk, ulloq 11. juli 2005
Peter S. Olsen
Aalisarneq pillugu Siunnersuisoqatigiinnut siulittaasoq