Piniarsinnaanermut allagartanut akiliut qaffanneqarpoq
Naalakkersuisut aalajangerput inuussutissarsiutigalugu sunngiffimmilu piniarsinnaanermut allagartartaarnermut akiliut 30 kr.-iniit 50 kr.-inut qaffanniarlugu. Akiliummik qaffaaneq ulloq 1. januar 2004 aallarnerfigalugu atuutilissaaq.
Allagartartaarniarluni qinnuteqaatit nutaat pisanillu nalunaaruteqarneq tunngavigalugu nutaamik allagartartaarneq eqqarsaatigalugit kingusinnerpaamik ulloq 31. december 2003 Aalisarnermut Piniarnermullu Pisortaqarfimmit tiguneqartut 30 kr.-eqassapput.
Akiliutip qaffanneqarneranut Naalakkersuisut aalajangernerannut tunngaviuvoq ullumikkut akiliut 30 kr.-iusoq naammanngimmat piniarnermik allagartaqartitsinermut allaffissornermut aningaasartuutinut matusissutissatut.
Akiliutinik qaffaaneq pivoq Inuussutissarsiutigalugu piniarnermut allagartat pillugit Namminersornerullutik Oqartussat nalunaarutaat nr. 20, ulloq 27. november 2003-meersoq aamma Sunngiffimmi aallaaniarsinnaanermut allagartat pillugit Namminersornerullutik Oqartussat nalunaarutaat nr. 21, ulloq 28. november 2003-meersoq naapertorlugit.
Paasissutissat sukumiinerusut: Aalisarnermut Piniarnermullu Pisortaqarfik, Piniarnileriffik, allaffiup pisortaa Ole Heinrich, 345342