Kalaallit Nunaata EU-mut attaveqarnera isumaqatigiissummi nutarterneqarpoq.
Atsiornermut atatillugu Kalaallit Nunaata Sinniisuutitaa Lars Vesterbirk Naalakkersuisut sinnerlugit ima oqarpoq:
- Suliaq sivisuumik ingerlanneqarsimavoq, kisiannili EU-p aamma Kalaallit Nunaata siunissami qanimut suleqatigiinnissaannut patajaatsumik pitsaasumillu tunngavissiisimasugut. Ukiuni makkunani nunarsuarmi silaannaap annertuumik allanngornera misigaarput, taassumalu tamatta eqqortussaavaatigut, Europami Issittumiluunniit najugaqaraluarutta. Isumaqatigiissutitigut nutaatigut unammilligassat naapinnissaannut tamatta iluaqutissatsinnik tunngavissiilluarpugut¿.
Kalaallit Nunaata EU-llu akornanni peqatigiinnermut isumaqatigiissut, Kalaallit Nunaanni Ilinniartitaaneq pillugu Pilersaarummik isumaqatigiissummik nassataqartoq nunatta EU-llu atsioqatigiissutigereerpaat.
Annertunerusumik paasisaqarusukkuit uunga saaffiginnissinnaavutit: Immikkoortortaqarfimmi aqutsisoq Emanuel Rosing, Aalisarnermut Piniarnermut Nunalerinermullu Pisortaqarfik, oqarasuaat 34 53 00, e-mail: emanuel@gh.gl