Aarrit
Aaffattassiissutit tamarmiusut 2007-imi 200-unut, 2008-imi 175-inut 2009-milu 155-inut aalajangersarneqarput, ataani takussutissiaq naapertorlugu aaveqatigiinnut assigiinngitsunut agguataarlugit.
|
Aaveqatigiit |
2007 |
2008 |
2009 |
Biologit siunnersuinerat |
|
Kitaata Avannaa |
90 |
80 |
75 |
20-75 |
|
Kitaa |
80 |
65 |
50 |
13-50 |
|
Tunu |
30 |
30 |
30 |
30 |
Katillugit |
200 |
175 |
155 |
63-155 |
Nannut
Nannuttassiissutit tamarmiusut 2007-imi 139-nut, 2008-mi 135-nut 2009-milu 130-nut aalajangersarneqarput, ataani takussutissaq naapertorlugu nanoqatigiinnut assigiinngitsunut agguataarlugit.
Nanoqatigiit 2007 2008 2009 Biologit siunnersuinerat* Ikersuaq - Kane Bassin (Qaanaaq Savissivik ilanngunnagu) 10 8 6 7 Avannaata Imaa - Baffin Bugt (Kitaa Savissivik ilanngullugu) 73 71 68 92 Ikersuaq Davis (Kitaa) 2 2 2 53 Tunu (Tunu Kujataalu) 54 54 54 - 139 135 130
Katillugit
*Biologit siunnersuineranni Kalaallit Nunaanni Canadamilu pisarineqarsinnaasut tamarmiusut nalunaarneqarput.
Ukiunut arlalinnut atuuttussanik pisassiinermut ilaatigut tunngaviupput taamaaliornikkut iluaquteqarniarnermik aqutsinermut nukiit allaffissornermut atorneqartartut annikillisinneqassammata, taamatullu aamma piniartut ilisimareerniassammassuk qanoq amerlatigisunik ukiuni aggersuni pisaqarsinnaanissartik.
Pisassiissutit aalajangersarneqarnerannut atatillugu Piniarnermut Naalakkersuisoq ilanngullugu pisariaqarfiani agguaasseqqissinnaanissamut piginnaatinneqarpoq, taamatullu aamma ilisimatuussutsikkut paasisat tamanna pisariaqalersippassuk, tusarniagassat tusarniaavigereerlugit, pisassiissutinik nalimmassaasarsinnaanissaminut.
Pisassiissutinik aalajangersaaneq pivoq nunat tamalaat isumaqatigiissutaat, biologit siunnersuinerat atuisullu ilisimasaat isiginiarlugit kiisalu Piniarneq pillugu Siunnersuisoqatigiit tusarniareerlugit.
Pisassiissutit kommunit akornanni agguataarnissaat
Aarrit aamma nannut illersugaaneri piniagaanerilu pillugit nalunaarutit naapertorlugit pisassiissutit KNAPK KANUKOKA-lu tusarniareerlugit qanittukkut Piniarnermut Naalakkersuisumit kommuninut agguataarneqassapput.
Finn Karlsen
Aalisarnermut, Piniarnermut Nunalerinermullu Naalakkersuisoq
Ilanngussaq Aaffattassiissutit aalajangersarnerannut paasissutissatigut tunngavigisat aamma
pisassiissutit aaveqatigiinnut ataasiakkaanut aalajangersarnerinut tunngavigisat uani takukkit
Nannuttassiissutit aalajangersarnerannut paasissutissatigut tunngavigisat aamma
pisassiissutit aaveqatigiinnut ataasiakkaanut aalajangersarnerinut tunngavigisat uani takukkit
<: runat="server">