Nunamut tamarmut arfernik angisuunik 2012-imut pisassiissutit

Kalaallit Nunaata arfernik angisuunik pisassai Arfanniarnermut Ataatsimiititaliarsuup (IWC), pisassiissutit angissusissaannik aalajangiisartuusup, siunnersuuteqarnera tunngavigalugu aalajangerneqartarput. Ukiunut 5-inut atuuttumik tikaagulliusaanik, arfivinnik, qipoqqarnik Kitaani tikaagullinnut aamma Tunumi tikaagullinnut pisassiissut atuuppoq 2008-2012-imut.

Malugineqassaaq pisassiissutit annertussusissavii aalajangerneqarumaarmata 31. december 2011-p kingornagut, tassuuna allannguallatitsisoqarsinnaavoq. 2012-imut pisassiissutit imaapput.

Tikaagulliusaat
Kitaanut 2012-imut pisassiissutit tamakkerlutik 10-upput. Angallatit tikaagulliusaarniarnissamut teknikikkut piumasaqaatinik naammassinnissimasutut akuerineqarsimasut 1. januarimiit 31. decemberimut tikaagulliusaarniarsinnaapput.

Arfivik
Kitaanut 2012-imi pisassiissut tamakkerluni arfiviit 3-iupput. Angallatit, pingaartumik Qeqertarsuup tunuani angerlarsimaffeqartut arfivinniarnissamut teknikikkut piumasaqaatinik naammassinnissimasutut akuerineqarsimasut arfivinniarsinnaapput 1. aprilimiit 31. decemberimut. Pisassiissutinik aalajangersuisartunut tusarniaatigineqareerpat nunap immikkoortuinut qanorpiaq sinerissap ilaanut agguaassisimaneq tusagassiuutinut nalunaarutikkut nalunaarutigineqarumaarpoq.

Qipoqqaq
Kitaanut 2012-imi qipoqqartassiissut tamarmiusoq 9-uvoq. Angallatit qipoqqarniarnissamut teknikikkut piumasaqaatinik naammassinnissimasutut akuerineqarsimasut qipoqqarniarsinnaapput 1. aprilimiit 31. decemberimut. Pisassiissutinik aalajangersuisartunut tusarniaatigineqareerpat nunap immikkoortuinut qanorpiaq sinerissap ilaanut agguaassisimaneq tusagassiuutinut nalunaarutikkut nalunaarutigineqarumaarpoq.

Tikaagullik

Kitaani

Kitaani 2012-imi tikaagullittassat tamarmiusut 178-iupput (178 + amerlanerpaamik 15-it, 2011-imi pisarineqanngitsoortut). Angallatit aammalu piniaqatigiinnermik ingerlatsisartut tikaagullinniarnissamut teknikikkut piumasaqaatinik naammassinnissimasutut akuerineqarsimasut tikaagullinniarsinnaapput 1. aprilimiit 31. decemberimut. Pisassiissutinik aalajangersuisartunut tusarniaatigineqareerpat nunap immikkoortuinut qanorpiaq sinerissap ilaanut agguaassisimaneq tusagassiuutinut nalunaarutikkut nalunaarutigineqarumaarpoq.

Tunumi

Tunumut 2012-imi pisassiissut tamarmiusoq 12-iuvoq (12 + annerpaamik 3 2011-imi pisarineqanngitsoortut). Piniaqatigiinnermut ilaasut teknikikkut tikaagullinniarnissami piumasaqaatinik naammassinnissimasut tikaagullinniarsinnaapput 1. aprilimiit 31. decemberimut. Pisassiissutinik aalajangersuisartunut tusarniaatigineqareerpat nunap immikkoortuinut qanorpiaq sinerissap ilaanut agguaassisimaneq tusagassiuutinut nalunaarutikkut nalunaarutigineqarumaarpoq.

Piniarnissamut piumasaqaatit (www.lovgivning.gl)

Arfernik angisuunik piniarneq ingerlanneqassaaq:

• Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 11, 16. juli 2010-meersoq malillugu.
• Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12. 16. juli 2010-meersoq malillugu.