Piniarnermut allagartat atuunnerat sivitsorneqarpoq

Aalisarnermut Piniarnermut Nunalerinermullu Naalakkersuisoqarfik aalajangerpoq inuussutissarsiutigalugu aamma sunngiffimmi piniarnermik allagartat 2011-mut atuuttut 31. januar 2012-mut atuunneri sivitsorneqassasut.

Taamatut aalajangerneq aqutsiveqarfiit ilaannit 2012-mi inuussutissarsiutigalugu piniarnermik allagartaligassat allattorsimaffiannik kingusissukkut tigusaqarsimanermik pissuteqarpoq. Naalakkersuisoqarfimmit suliarineqarsimasut allattorfimaffiit kommunenit immersorneqarsimasut utertinneqareeraangata aatsaat inuussutissarsiutigalugu piniarnermut allagartat ingerlateqqinneqarsinnaapput.