Saarullittassanik nuussisoqarpoq

Annertunerusunik paasisaqarusukkuit attaveqarfigiuk

Emanuel Rosing

Aqutsisoqarfimmi pisortaq

Aalisarnermut Piniarnermut Nunalerinermullu Aqutsisoqarfik

Oqarasuaat: +299 34 53 32

E-mail: emanuel@nanoq.gl

2010-mi saarullittassanik tamakkiisumik pisassanik TAC-imik 10.000 tonsinik Naalakkersuisut aalajangiinikuupput, taakkua sinerissap qanittuani aalisarnermi 5.000 tonsinut aamma avataasiorluni aalisarnermi 5.000 tonsinut agguarlugit.

Avataasiorluni aalisarnermit saarullittassanit 1.000 tonsit sinerissap qanittuani aalisarnermut julimi nuussisoqarpoq. Taakku pisassat nuunneqartut maanna aamma nungunneqalerput.

Tamanna tunuliaqutaralugu aalajangiisoqarpoq avataasiorluni aalisarnermit saarullittassanit 1.000 tonsit allat aamma sinerissap qanittuani aalisarnermut nuunneqassasut. Taamaasilluni 2010-p sinnerani pisassiissutit 7.000 tonsit sinerissap qanittuani aalisartunut aamma 3.000 tonsit avataasiorluni aalisartunut pisassiissutitut agguarneqarput.

Til top

Nutarterneqarpoq : 02.09.2010

Webmasteri : Aqissiaq Mathiassen

Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl