Saarullittassanik paarlatsitsineq

2010-mi saarullittassanik tamakkiisumik pisassanik TAC-imik 10.000 tonsinik Naalakkersuisut aalajangiinikuupput, taakkua sinerissap qanittuani aalisarnermi 5.000 tonsinut aamma avataasiorluni aalisarnermi 5.000 tonsinut agguarlugit.

Kalaallit Nunaanni Aalisarnermi Nakkutilliisoqarfik (KANUAANA) nalunaaruteqarpoq sinerissap qanittuani aalisarnermi saarullittassat aalisarneqareersut.

Tamanna tunuliaqutaralugu uanga Aalisarnermut, Piniarnermut Nunalerinermullu Naalakkersuisutut aalajangerpunga avataasiorluni aalisarnermit saarullittassanit 1.000 tonsit sinerissap qanittuani aalisarnermut nuussissallunga. Taamaasilluni 2010-p sinnerani pisassiissutit 6.000 tonsit sinerissap qanittuani aalisartunut aamma 4.000 tonsit avataasiorluni aalisartunut pisassiissutitut agguarneqalerput.