Ikiliartortitsinnginneq biologillu siunnersuisarnerat nunat allat aallartitaannut

Naalakkersuisut ikiliartuutaanngitsumik piniarnermik periaaseqarnermik politikkimik aalajangiussisimanerat paasisitsiniaaneq ataasinngornermi 8. marts 2010 ataatsmiinnermi Københavnimi nunanit allanit aallartitanut ingerlanneqarpoq. Naalakkersuisunut ilaasortap Ane Hansenip Naalakkersuisut politikkiat saqqummiummagu nunanit allanit aallartitanit najuuttuinit assut soqutigineqarpoq.

Ataatsimiinneq Kalaallit Nunaata Sinniisuutitaqarfiani ingerlanneqarpoq. Sammisassat pingaarutillit Kalaallit Nunaanni inuiaqatigiinnut tunngasut piffissami aggersumi arlaleriarluni ataatsimiissutigineqartassapput. Ataatsimiinnermi uani sammineqarpoq pisortat uumasunik isumalluutinik aqutsinerannut biologit siunnersuisarnerat, tassanilu biologit Pinngortitaleriffimmeersut Jesper Boye, Erik Born aamma Mads Peter Heide-Jørgensen soqutiginartunik uumasunik isumalluutinik pisortaat aqutsinerannut biologit siunnersui sarnerat pillugu oqalugiarput.

Assimi takuneqarsinnaavoq Naalakkersuisunut ilaasortaq Ane Hansenip Arnat ulluat ambassadørit arnat marluk peqatigalugit: (saamerlerniit talerpimmut) Martha Bárcena Coqui, Mexico-p ambassadøria, Fauzia Mufti Abbas, Pakistan-ip ambassadørialu malunnartikkaat.