2010-mi saattuartassiissutit aalajangerneqarput

Naalakkersuisunut 25. februar 2010 ataatsimiinnerminni aalajangerput:

• Saattuartassiissutissat tamakkerlugit 3.900 tonsiussasut

• Avataasiorlutik aalisartut 900 tons-inik pisassinneqassasut, tassani EU-p pisassai 500 tons-it ilanngunneqarlutik aqutsiveqarfinnilu tamani aalisarneqarsinnaassallutik

• Avataasiorluni aalisarnermi amerlanerpaamik marlunnik aalisariuteqartoqarsinnaavoq

• Sinerissap qanittuani saattuarniarluni aalisarnermi 3.000 tons-it pisassiissutigineqassasut, takussutissiarlu ataaniittoq naapertorlugu aqutsiveqarfinnut assigiinngitsunut pisassat ima agguarneqarput:

Ataani 2010-mi saattuartassat agguarneqarnerat takuneqarsinnaavoq.

EU-p pisassai 12 sømilimik killeqarfiup avataani aalisarneqassapput. Sinerissap qanittuani pisassat taamaallaat aqutsiveqarfiit assigiinngitsut iluini aalisarneqarsinnaapput.

2010-mi aalisarnissami piumasaqaatit allat

• Nalunaarummi § 5, imm. 2 naapertorlugu sumiiffinni assigiinngitsuni aalisarsinnaanermut akuersissutit arfinillit tunniunneqassapput. Aammattaaq aalajangersagaq taanna naapertorlugu imm. 2-mi taaneqartunut aalisarnermut akuersissutinik amerlanerpaamik marlunnik tunniussisoqarsinnaavoq. Sumiiffinni assigiinngitsuni aalisarnerup ingerlanneqarnera tunngavigalugu kiisalu aqutsiveqarfinni ataasiakkaani aalisarnerup ingerlanneqarnerata annertuallaamik pinissaa pinngitsoortinniarlugu qinnuteqartut amerlanerpaamik aqutsiveqarfimmi ataatsimi aalisarnermut akuersissummik tunineqarsinnaapput. Naalakkersuisup taamatut aalajangerneq pisassiissutinik atorluaanissaq siunertaralugu ukiup ingerlanerani allanngortissinnaavaa.

• Qituttunik qaleruallit illersorniarlugit aalisarneq piffissami aalajangersimasumi ingerlanneqassanersoq inuussutissarsiortut namminneerlutik isumaqatigiissuteqarfigissavaat.

• Naalakkersuisoq Aqutsisoqarfinni assigiinngitsuni pisassanik agguaasseqqissinnaanermik kiisalu aalisariutit suut atorneqarsinnaanerat pillugu pisassiissutit tamarmiusut 3.900 tonsit iluini aalajangersaaqqissinnaanermik piginnaatinneqarpoq.

Aqutsiveqarfinni assigiinngitsuni qinnuteqartunut ataasiakkaanut aalisarsinnaanermut akuersissutinik tunniussinermut tunngatillugu agguaassinissamut siunnersuutip qanittukkut akuerineqarnissaa naatsorsuutigineqarpoq.