Umimmaat tuttullu 2008-2009-mi piniagaanerat

Nunap immikkoortuini 4-mi (Ameralimmi) aamma 5-imi (Qeqertarsuatsiaani) tuttut amerlassusii maanna piujuartitsinissatut qaffasissuseqalersimammat, piniarfissaq piffissami 1. august-imiit 30. septemberip tungaanut pisussanngorlugu aalajangerneqarpoq.

Nunap immikkoortuini 6-imi aamma 7-imi inuussutissarsiutigalugu piniartunut, akiliuteqarluni piniartitsinermut aamma saniatigooralugu piniartartunut tuttunniarsinnaaneq piffissami 1. augustimiit 15. novemberimut aalajangersaavigineqarpoq. Akiliuteqarluni piniartitsineq aamma 11. martsimiit 11. apriilip tungaanut pisinnaavoq.

Nunap immikkoortuini 11-mi tuttunniarsinnaaneq 1. august-imiit 28. februarip tungaanut pisinnaavoq, matumani Ivittuut kommuneat ilanngunneqanngilaq, tamaani piniarsinnaaneq 1. august-imiit 31. august-ip tungaanut ingerlanneqarsinnaavoq.

Kangerlussuarmi nuna piniarfigeqqusaanngitsoq annikitsunnguakkut allan-ngortinneqarpoq. Allannguineq tuttunniarsinnaanermut umimmanniarsin-naanermullu akuersissutini takuneqarsinnaavoq. Tamatuma saniatigut nunap immikoortua 1 avannamut allineqarpoq, aamma nunap immikkoortuisa 2-p aamma 3-p akornanni killeqarfik allanngortinneqarpoq, taamaasilluni uumasut siaruarsimanerannut naleqqutilerluni. Tuttoqarfiit umimmaqarfiillu nutaamik agguataarneqarnerat ilanngussani 3-mi aamma 4-mi takuneqarsinnaapput.

Tuttunik umimmannillu piniarnerup qaqugukkut aallartinneranut naaneranullu nunap immikkoortui aamma uumasut suut pineqarnersut apeqqutaapput, kiisalu inuussutissarsiutigalugu piniartuuneq, saniatigooralugu piniartartuuneq imaluunniit akiliuteqartitsilluni piniartitsinermik aaqqissuisuuneq apeqqutaavoq. Piniarneqarsinnaasut annertussusilersorneqarnerat aamma piffissap qanoq ilinerani nunap immikkoortuini piniarneq ingerlanneqarsinnaanersoq paasisaqarfigiumagaanni ilanngussaq 1 takuneqarsinnaavoq.

Akuersissuteqarluni piniarnermi pisassat amerlassutsikkut qummut killilerneqan-ngikkaluartut taamaattoq piniarsinnaanermut akuersissutinik pigisaqartut aamma tamarmik tuttunik umimmannillu pisaqarsinnaanermut akuersissutinik peqqaarlutik piniarneq ingerlattassavaat. Taamaattumik inuussutissarsiutigalugu piniartut aamma saniatigooralugu piniartartut kommunerisaminni akuersissutinik piniaqqaartassapput.

Piffinni pisassatigut amerlassutsikkut qummut killilersuiffigineqanngitsuni kommunit piniartussanut akuersissutinik arlalikkaanik tunniussisinnaapput. Maniitsup Kommuniani (Kangerlussuaq) akuersissummut ataatsimut umimmaat tallimat (5) ukioq manna pisarineqarsinnaapput, soorlu aamma ukiuni kingullerni akuersis-summut ataatsimut tuttut 20-t pisarineqartut nalunaarsorneqarsinnaasimasut. Uumasut pisarineqartut tamarmik immikkut nalunaarsuiffik immersorlugu nalunaarutigineqartassapput (tamanna akuersissut utertinneqartoq peqatigalugu tunniunneqartassaaq) tamannalu kommunimut tunniunneqareersimassalluni piniarnerup uninneraniit sapaatip akunneri pingasut qaangiutsinnagit.

2007-mi pisarineqartunik immikkut nalunaarsuiffik atorlugu nalunaaruteqarsimaneq siorna pisarineqartut 20 procentiinnaanik amerlassuseqarsimapput. Immikkut nalunaarsuiffiit uumasoqatigiiaat ataasiakkaat malinnaaffigineqarnerannut atorneqartarput, tamannalu allaffissornikkut aqutsinermi allannguisariaqarnerni tunngaviulluinnartarluni, siunissamilu pisuussutitta uumassusillit atorluarneqarnissaannut aalajangersaaniarnermi qulakkeerutaalluinnartarlutik. Taamaattumik inuussutissarsiutigalugu piniartut saniatigooralugulu piniartartut tuttunik umimmannillu pisaminnik immikkut nalunaarsuiffik atorlugu utimut nalunaaruteqartarnissaat pingaaruteqartorujussuuvoq.

Tuttunik umimmannillu 2008-mi piniaqataassagaanni piniarnermut allagartap 1. maj tikitsinnagu akilereersimanissaa piumasaqaataavoq. Tamanna immikkut akuersissuteqarnikkut tuttunut umimmannullu tunngatillugu malittarisassaq Maniitsup Kommuneani atorunnaarsinneqarpoq.

Akiliuteqarluni piniartitsinermi pisassiissutigineqartut tamakkerlugit 1. septemberimi tunineqanngitsut, piffinni killilimmik pisassiiffiusuni inuussutissarsiutigalugu piniarnermut nuunneqarsinnaapput. Taamaaliornikkut ukiumi pisassiiffiusumi pisassiissutigineqartut tamakkernissaat qulakkeerniarneqarpoq.

Piffinni pisassat amerlassutsikkut qummut killilernagit piniarfiusinnaasuni ukiuni marlunni najugaqareersimanissamik piumasaqaat, immikkut akuersinikkut atunngit-soortinneqarpoq. Nalunaaqutsiuttakkanik ikkuttakkanik atuinissamik tuttut umimmaallu piniarneqarneranni piumasaqaat atortinneqanngilaq. Immikkut akuersinikkut atorunnaarallartinneqartut pillugit Ilanngussaq 2 takuuk.

Kommunet nammineerlutik piffissat piniarfiusussat annikillisarsinnaavaat aamma piniarfiusinnaasunik annikillisaasinnaallutik.

Ilanngussaq 1: Piffinni ataasiakkaani piffissat piniarfissat allattorsimaffiat

Ilanngussaq 2: Inatsisinit atuuttunit immikkut akuersissuteqarnerit

Ilanngussaq 3: tuttunniarfiusinnaasut killeqarfiisa allanngortinneri