Allaffimmi pisortaq

Aalisarnermut, Piniarnermut Nunalerinermullu Naalakkersuisoqarfimmut pilersinneqaqqammersumut, aalisarnermut, piniarnermut nunalerinermullu tunngasuni ineriartortitsinermik aqutsinermillu suliassanik isumaginniffiusumut immikkoortortap ulluinnarni aqunneqarneranut, kiisalu naalakkersuisoqarfiup suliassaqarfianik ataqatigiissaarinermut allaffiup pisortassarsiortoqarpoq (tullersortimik) piaartumik isumaqatigiissuteqarnikkulluunniit atorfinittussamik.

Allaffiup pisortassarsiortoqarpoq, taassumalu suliassai pingaarnerit tassaassapput inuussutissarsiorneq pillugu ingerlatsinikkut anguniakkat suliniutillu pingaarnerit pineqartumi inatsisilerineq malillugu, kiisalu aalajangiinerit Kalaallit Nunaata Kalaallit Nunaannut, nunanut tamalaanut, nunap immikkoortuinut illugiillunilu pisussaaffii naapertorlugit piviusunngortinneqarnissaannut ataqatigiissaarinissaq.

Naalakkersuisoqarfimmi pingaarnertut anguniagaavoq naalakkersuineq pillugu ingerlatsinikkut anguniakkat pingaarnerit naapertorlugit aalisarnermik, piniarnermik nunalerinermillu inuussutissarsiuteqarnermik ineriartortitsinerup siuarsarneqarnissaa, kiisalu pineqartumi malittarisassat inatsisartunit naalakkersuisuniillu akuerineqartut aqunneqarnissaat, taakkununnga ilanngullugit inuussutissarsiutinut tapiissuteqartarnermi suliassat pingaarnerit. Naalakkersuisoqarfimmi ataatsimut isigalugu Kalaallit Nunaanni pisuussutit uumassusillit aqunneqarnerat isumagineqarpoq, immikkoortortallu tassaapput Naalakkersuisoqarfik Aqutsisoqarfillu, taakkununnga ilanngullugit Kalaallit Nunaanni Aalisarsinnaanermut akuersissutinik Nakkutilliisoqarfik, kiisalu piniarnermik aalisarnermilli nakkutilliisoqarneq. Allaffiup pisortaa tamatumunnga peqatigitillugu Naalakkersuisoqarfimmi tullersortaavoq Naalakkersuisoqarfiullu pisortaanut attaveqartuulluni.

Suliassat

Allaffiup pisortaa makkuninnga pingaarnernik suliassaqarpoq:

• Allaffiup pisortaata pingaarnertut suliassaraa Naalakkersuisoqarfimmi Aqutsisoqarfimmilu sulisut allat qanimut suleqatigalugit aalisarneq, piniarneq nunalerinerlu pillugit ingerlatsinermik takussaasumik suliarinninnermik ataqatigiissaarinissaq.
• Naalakkersuinikkut aqutsisunut aalajangiinissamut tunngavissiornermi peqataanissaq tunngavissiornerullu pitsaassusaanik qularnaarinissaq, kiisalu suliassani allaaserineqartuni Naalakkersuisoqarfiup pisortaanik isumaqatigiissutaasuni naalakkersuinikkut aalajangiinernik piviusunngortitsinissaq.
• Naalakkersuisoqarfiup naalakkersuisoqarfinnut il.il. allanut tunngatillugu suliassanik suliarinninneranik ataqatigiissaarinermut peqataanissaq, tassunga ilanngullugu naalakkersuisoqarfimmi sulianik aalajangersakkanik aalajangersagassanilluunniit ataqatigiissaarinermut killiliussat naapertorlugit aqutsisoqarfimmik, suliffeqarfimmik sullissiveqarfimmilluunniit ataqatigiissaarinissaq.
• Naalakkersuisoqarfimmi Aqutsisoqarfimmilu allaffissornikkut nalinginnaasumik najoqqutassanik, periutsinik pitsaassusissatullu piumasaqaatinik piviusunngortitsinermi peqataanissaq.
• Naalakkersuisoqarfiup aqunneqarnerani peqataanissaq, tassunga ilanngullugu makkununnga suleqataanikkut tunniussaqarnissaq;
  • Pineqartumut aningaasanut inatsisiliorneq, suliffeqarfimmik ineriartortitsineq aamma attaveqarfissanik paasiniaavissanillu pilersitsineq, kiisalu naalakkersuisoqarfimmi aqutsisoqarfimmilu suliffeqarfigisanilu aqutsisoqatigiinnut tunngatillugu ataatsimiititsisarneq,
  • suliassat erseqqinnerusumik allaaserineqartut naapertorlugit inuttalersuinermut sulisoqarnermullu tunngasut,
  • suliakkiutigineqartunut akisussaaffigitinneqartunullu ingerlatassanik pilersaarusiorneq nukinnillu atuineq,
  • suliatigut ineriartortitsinermut peqataavinneq, tassunga ilanngullugu aalisarneq piniarnerlu, kiisalu nunalerineq pillugit paasissutissanik tutsuiginartunik qularnaarineq,
  • inatsisit malittarisassallu atuuttut, taakkununnga ilanngullugu aqutsineq pillugu inatsit naapertorlugit aqutsinermut suleqataanikkut tunniussaqarneq,
  • tamatuma saniatigut allaffiup pisortaata suliniutit Naalakkersuisoqarfiup pisortaata allaffiup pisortaanut aqutsisoqarfiullu pisortaanut aallarteqqullugit suliakkiutigisai aallartillugillu malitseqartittassavai.

Piginnaasassatut piumasaqaatit:

Aqutsisumik inuiaqatigiilerinermik pinngortitalerinermilluunniit ilinniarsimasumik allamilluunniit attuumassutilimmik ilinniarsimasumik pisortani namminersortuniluunniit aalisarnermik, piniarnermik nunalerinermillu inuussutissarsiuteqarnermut tunngassuteqarsinnaasuni atorfinnit aqutsinermik misilittagaqartutut uppernarsaatilinnik pissarsiortoqarpoq. Qinnuteqartut makkuninnga tunuliaqutallit piumaneqarnerupput:

• Marluinnik kalaallisut danskisullu oqaasillit kiisalu tuluttoorluarsinnaasut.
• Aqutsinermik qaffasissumik misilittagallit,
• Suliffeqarfimmi naalakkersuinikkut aqunneqartumi sulinermik misilittagallit
• Attuumassutilimmik ingerlaqqiffiusumik ilinniagallit, tassunga ilanngullugu inatsisilerinermik tunuliaqutallit imaluunniit inatsisilerinermik ilisimasallit / inatsisiliornermik taakkuninngalu aqutsinermik misilittagallit,
• Naalakkersuisoqarfiup akisussaaffeqarfiini tamarmiusuni ilaaniluunniit suliatigut misilittagallit
• Suleqateqarsinnaalluartut, ammasut eqaatsumillu sulisinnaasut
• Qarasaasiamik atuinermik ilisimasallit, kiisalu
• Aalajaatsut isumagissaartullu.

Akissarsiaqartitsinermi atorfinitsitsinermilu atugassarititaasut/piumasaqaatit

Akissarsiaqartitsinermi atorfinitsitsinermilu atugassarititaasut/piumasaqaatit, taakkununnga ilanngullugit atorfininnermi soraarnermilu akiliunneqarluni angalanerit, kiisalu pisattat nuunneqarnerannut akiliinerit piffissami atorfiniffiusumi Naalakkersuisut aamma DJØF-ip isumaqatigiissutaat atuuttoq allaffiup pisortaannut akissaatini 36-miittunut tunngasoq pissapput.

Atorfimmut aamma makku atuupput:

• Inissisimaffigaa Aalisarnermut, Piniarnermut Nunalerinermullu Naalakkersuisoqarfik Nuummiittoq.
• Inissaqartitsisoqarsinnaavoq malittarisassat atuuttut naapertorlugit akilersorneqartussamik.

Nuup Kommuneani inissaaleqineq pissutigalugu inissamik innersuunneqarnissamut utaqqinissaq naatsorsuutigisariaqarpoq. Ataavartumik inigisassamik innersuussisoqarsinnaalernissaata tungaanut utaqqiisaasumik inissaqartitsisoqassaaq.