AC-Fuldmægtigit

Ulapaarfiusumi sulisinnaavit sapiissuseqarlutillu, taava Kalaallit Nunaanni inuussutissarsiutit pingaarnersaanni piginnaasavit atornissaannut periarfissaqarputit.

Kalaallit Nunaanni Namminersornerullutik Oqartussat, Aalisarnermut, Piniarnermut Nunalerinermullu Aqutsisoqarfiata Aalisarnermut immikkoortortaqarfiani, inatsisilerituusut, aningaasaqarnikkut aamma/imaluunniit inuiaqatigiilerinermik ilisimasalinnik marlunnik AC-fuldmægtigissarskiorpu. Atorfik qinnuteqartumut naleqqussarneqassaaq, atorfiillu inatsisilerituumik ataatsimik aningaasaqarnikkullu ilisimasalimmik ataasimik kinuttalerneqarnissaat kissaatiginerullutigu.

Aalisarnermut Immikkoortortaqarfimmi fuldmægtigitut siammasissumik ulluinnarnilu ulapaarfiusinnaasartumi tamakkiisumik malinnaasinnaasariaqarput. Naalakkersuinermik sulialinnik aalajangiinissamut tunngavissaannik, inatsisiliornernik, umiarsuaatillit innuttaasullu saaffiginnissutaannik allarpassuarnillu sulinermi isumaginniffiuvoq.

Kalaallit Nunaata imartaani aalisarnermik aallartinneqarsimasut iluini naalakkersuinikkut anguniakkat anguneqarnissaannut ikiuunnissamut Aalisarnermut Immikkoortortaqarfiup suliassaraa – tamatumalu ilutigisaanik Kalaallit Nunaata nunat tamalaat akornanni aalisarnikkut suleqatigisai isumagissallugit. Aalisarnikkut inuussutissarsiuteqarneq naalakkersuinikkut suliaqartunit eqqumaffigineqarnerat annertuvoq imminnut akerleriittorpassuarnik soqutigisaqarfiusoq, suliffigissallugu pissanganartuuvoq unammillernartuullunilu.

Naalakkersuinikkut aalajangeeriaatsit allaffissornikkut avissaartinneqarnissaannik Namminersornerullutik Oqartussat suliaqarlutik aallartitsipput. Tamanna Pisortaqarfiusimasup Naalakkersuisoqarfittut Aqutsisoqarfittullu avissaartinneqarnerisigut. Ikaarsaariarnerup nalaani suliassat allat saniatigut Naalakkersuisoqarfimmiit suliakkiunneqartorpaalunnik suliaqarnissaq naatsorsuutigineqassaaq.

Atorfimmut atatillugu angalasarnissaq naatsorsuutigineqarsinnaavoq.

Aalisarnermut Immikkoortortaqarfimmi fuldmægtigitut ilaatigut makku suliassaraatit:

• Aalisarnermut Immikkoortortaqarfimmi suleqatit attuumassuteqartut peqatigalugit suliassanik aalajangersimasunik suliaqarneq
• Inatsisinik, nalunaarutinik il.il. suliaqarneq misissuinerlu
• Inatsisit qanoq paasineqarnissaannik nassuiaaneq
• Nunat tamalaat akornanni suliassanik suliaqaratarsinnaaneq
• Namminersornerullutik Oqartussat iluani Naalakkersuisoqarfinnik Aqutsisoqarfinnillu oqaloqateqarneq
• Suliassanik aalajangersimasunik isumaginninneq (ass. naammagittaalliuutit, allagaatinik takunnissinnaaneq pillugu suliassat, politiinut suliakkiissutit, Ombudsmandimut suliakkiissutit, immikkoortortaqarfiup sulisunut/pisortanut allakkiorneq)
• Sullissinissamik isumaqatigiissutinik isumaqatigiissutinillu allanik misissuineq nalilersuinerlu.

Naatsorsuutigaarput:

• Suliffimmi Naalakkersuinikkut aqunneqartumi sulisinnaasutit pisortallu aqutaannik soqutigisaqartutit
• Suleqatiginnissinnaassuseqartutit namminersorlutillu sulisinnaasutit
• Suliassanik amerlasuunik naammassinnissinnaassuseqartit sukkasuumillu ajornartorsiutinik aaqqiisinnaasutit
• Aqutsisoqarfiup suliassaqarfiini tamani ulapaarfiup nalaani unneqarillutit suliassanik naammassinnissinnaassuseqartutit
• Immikkoortortaqarfimmi ineriartorneq pillugu ingerlaavartumik malinnaasinnaassuseqartutit

Neriuutigaarput:

• Siusinnerusukkut atorfimmi aqutsinikkut misilittagaqartutit
• Kalaallit Nunaannut aamma/imaluunniit aalisarnermik ilisimasaqarsinnaasutit

Akissarsiat- atorfininnermilu atugassarititaasut:

Akissarsiat- atorfinitsitaanermilu atugassarititaasut, matumani sulinngiffeqarninni akiliunneqarlutit angalanermut pisattallu angallanneqarnerinut Namminersornerullutik Oqartussat Kattuffiullu isumaqatiginninniarnermik piginnaatitaaffeqartup akornanni isumaqatigiissutit atuuttut naapertorlugit pissapput.

Vatorfimmut atatillugu inissaqartitsisoqarsinnaavoq malittarisassat atuuttut naapertorlugit ineqarnermut qularnaveeqqummillu akilerneqartussamik. Ullumikkut Nuummi inissamik pissarsiniarneq ajornakusoortorujussuummat ajoraluartumik utaqqisariaqarnissat naatsorsuutigisariaqassavat. initaavinnissavit tungaanut inissikkallarneqarfissannik isumaginnikkumaarpugut.

Kingusinnerpaamik ulloq 8. august 2008 qinnuteqaatit tigoreersimassavarput