Aningaasarsiornermik ilisimasalimmik økonomimik

Qinnuteqartup piukkunnartup salliutillugu suliassaraa aalisarnermut, piniarnermut nunalerinermullu tunngatillugu aningaasarsiornikkut nalunaarusiortarnissaq, mikro- aamma makroøkonomiske modelit ineriartortillugit nutarsartarlugillu. Tassunga atatillugu økonomip namminersuullugu siunnersortinillu avataaneersunik suleqateqarluni ingerlatsinerup iluani økonomiikkut paasiniaaqqissaarnermik suliaqartussaavoq. Økonomip aamma suliassariumaarpai suliassaqarfinni aningaasanut inatsisissap piareersarneqarnera malinnaavigineqarneralu.

Taakkua saniatigut Naalakkersuisoqarfiit akornanni suliassat, minnerunngitsumillu avammut inuussutissarsiutip kattuffiillu taakkununnga attuumassuteqartut aammalu nunani allani suleqatigiiffiit EU-tut ittunut tunngatillugu apeqqutinik aningaasarsiornermut tunngasunik sulinermut peqataassalluni.

Qarasaasianut atortorissaarutit ulluinnarni atorneqartartut annertunerpaat Oracle relationsdatabase-mut toqqarneqarsimapput TOAD-tilu atorlugu aatsaat aaneqarsinnaallutik. (SQL-mik ilusilersuineq). Taamaattumik SQL-mik ilisimasaqarnissaq kissaatiginarpoq.

Naatsorsuutigaarput

• Oecon.-itut, polit-itut allatulluunniit annertunerusumik økonomitut kandidatitut soraarummeersimassasutit
• Mikro makroøkonimimut teorimut tunngatillugu naammattumik ilisimasaqartutit
• Programeriineq soqutigalugulu misilittagaqarfigigit

Taakkua saniatigut

• Namminersorlutit siunertaqartumik sulisinnaasutit,
• Inussiarnerlutillu pitsaasumik saqqummiussisinnaassuseqartutit,
• Suliassat aaqqiiviginiarneranni aqqutinik nutaanik atuinissaq soqutigisarigit,
• Ajunngitsumik allanik suleqateqarsinnaassuseqartutit,
• Ajornartorsiutinik paasiuminaakkaluanik paasinnissinnaassuseqartutit,
• saqqummiussillaqqissuusutit
• minnerpaamik oqaatsit pingaarnerit ataatsit atorlugit allallutit oqalullutillu attaveqarsinnaasutit,

Økonomi Naalakkersuisoqarfimmi allaffimmi pisortamut nalunaartartussaavoq.

Aalisarnermut Piniarnermut Nunalerinermullu Naalakkersuisoqarfik pillugu annertunerusumik paasisaqartoqarsinnaavoq mappersagaq www.nanoq.gl iserfigigaanni

Atorfinitsitaanermut tunngasut
Immikkut ittumik siunnersortitut akissarsianut atorfinitsitaanermullu tunngatillugu pissutsit, ilaatigut atorfinikkiartorluni akeqanngitsumik angalaneq pigisanillu nuutsineq pisarpoq Namminersornerullutik Oqartussat atorfinittullu kattuffiata akornanni isumaqatigiissutit malillugit pisarpoq. Atorfinittup suliffigissavaa Namminersornerullutik Oqartussat qitiusumik allaffeqarfiat Nuummiittoq.

Naalagaaffimmi tjenestemandit aammalu AC-mik isumaqatigiissutit arlaqartut malillugit atorfinitsinneqartut, soorlu DJØF-imik Finansministeriamillu, Namminersornerullutik Oqartussani atorfinitsinneqarnermut atatillugu sulinngiffeqarsinnaapput akissarsiaqaratik. Taamatuttaaq Indenrigsministeriap kommunit amtillu Namminersornerullultik Oqartussanut atorfininnermut atatillugu sulinngiffeqarumanermik qinnuteqaatinut akuersortumik pissuseqarnissaat inassuteqaatiginikuuvaa. Namminersornerullutik Oqartussani atorfininnermut atatillugu sulinngiffeqarnissamut aalajangersakkani aappamut/inooqatigisamut aamma tunngapput.

Inigisassamik tunniussisoqarsinnaavoq peqqussutit atuutut malillugit akilerneqartussamik. Nuummili inissaqarniarnikkut pissutsit patsisigalugit inissarsinissamut utaqqinissaq naatosruutigisariaqarpoq. Utaqqinermi utaqqiisaasumik inissamik tunniussisoqarsinnaavoq.