Allaffimmi pisortat marluk

Piniarnermut, aallaaniarnermut, ingerlatsinermut, nunalerinermut inuussutissarsiutinillu tapersiisarnermut immikkoortortamut allaffimmi pisortaq

Suliassat
Immikkoortortap pingaarnertut suliassai makkuupput:

• piniarnermik inuussutissarsiummi nukissatigut aningaasaqarnikkullu ineriartornermik malinnaaneq, tassunga ilanngullugu inuussutissarsiummi nukissatigut, tunisassiorsinnaassutsikkut aningaasaqarnikkullu inissisimaneq pillugu paasissutissatigut tunngavissanik katersuinermi naliliisarnermilu peqataaneq,
• pisassiissutissanik aalajangersaanermi suliassanik isumaginninneq aammalu imaani miluumasunik, nannunik, umimmannik tuttunillu piniarsinnaanermik killilersuinernik allanik isumaginninneq,
• piniarnerup aallaaniarnerullu iluini nunat tamalaat isumaqatigiissutaat pillugit sulianik ingerlatsineq isumaqatigiinniarnernilu peqataaneq,
• pisortat qitiusumik qitiunngitsumillu oqartussaaffiinut, aalisartut piniartullu kattuffiinut, suliffeqarfinnut aammalu oqartussaaffinnut avataaneersunut susassaqartunut allanut attaveqarnermik isumaginninneq aamma
• Aalisarnermut Siunnersuisoqatigiinnut allattoqarfittut suliassanik isumaginninneq.

missingersuusiornermi naatsorsuuserinermilu suliassat,
aningaasanut inatsimmut ilanngussat, tassungalu atatillugu sulianik ingerlatsineq,
allaffimmi pisortat susassaqartut qanimut suleqatigalugit sulisunik aqutsineq,
allakkanik nalunaarsuineq,
immikkut suliassat, pingaartumik naatsorsuuserinermut aningaasaqarnermullu tunngassuteqartut.

Allaffimmi pisortat immikkut suliassai makkuupput:

• piniarnermut aallaaniarnermullu suliassaqarfimmi ingerlatsineq
• nunalerinermik inuussutissarsiuteqartunut tapersiisarnermi aaqqissuussinermik ingerlatsineq
• aalisarnermik piniarnermillu inuussutissarsiuteqartunik siuarsaanermut peqqussut kiisalu
• aalisarnermut, piniarnermut nunalerinermullu tunngasuni aallarteqqinnissamut tapiissutit,
• Aalisarnermut immikkoortortaq qanimut suleqatigalugu aalisarnermik aningaasalersuinermut sillimmatit
• Piviusuusaartitsilluni iluserititat pilersinneqartut tunngavigalugit pingaarrnertut inuussutissarsiutit pillugit aningaasaqarnikkut misissoqqissaakkanik aserfallatsaaliineq ineriartortitsinerlu, tassunga ilanngullugit piniarnermik inuussutissarsiuteqartut inuuniarnikkut aningaasaqarnikkullu atugaannik misissoqqissaakkat.

Piginnaasatigut piumasaqaatit
Aqutsisoq makkuninnga piginnaanilik ujartorneqarpoq:

• pisortat namminersortulluunniit ingerlatsiviini atorfeqarnermi allaffissornermik aqutsinermillu misilittagaqarneq,
• inatsisit isumaannik paasinninniarnermik misilittagaqarneq
• naatsorsuuserinermik aningaasanullu inatsisilerinermi sulianik ingerlatsinermik misilittagaqarneq,
• aalisarnermik, piniarnermik nunalerinermillu inuussutissarsiutinik pingaarnerusutigut ilisimasaqarneq,
• kissaatiginarluni naatsorsuuserinermik ilinniagaqarneq misilittagaqarnerlu
• qiimasuuneq, suleqateqarsinnaassuseqarluarneq kiisalu sungiussiniarnissamut piareersimaneq

Aalisarnermut immikkoortortamut allaffimmi pisortaq

Suliassat
Immikkoortortap makku pingaarnertut suliassarai:

• Naalakkersuisoqarfik suleqatigalugu nunatsinni nunanilu tamalaani aalisarnermut malittarisassanik suliarinninnermi nutarterinermilu allaffissornikkut sulianik isumaginninneq,
• piniarnermik inuussutissarsiummi nukissatigut aningaasaqarnikkullu ineriartornermik malinnaaneq, tassunga ilanngullugu inuussutissarsiummi nukissatigut, tunisassiorsinnaassutsikkut aningaasaqarnikkullu inissisimaneq pillugu paasissutissatigut tunngavissanik katersuinermi naliliisarnermilu peqataaneq,
• aalisarnermut tamarmiusumut TAC-mik aalajangersaaneq pillugu sulianik isumaginninneq,
• aalisarnerup iluani nunat tamalaat isumaqatigiissutaat pillugit isumaqatigiinniarnerni sulianik ingerlatsineq peqataanerlu,
• pisortat oqartussaaffiinut, aalisarnermik suliniaqatigiiffinnut, suliffeqarfinnut oqartussaasunullu allanut susassaqartunut attaveqarnernik isumaginninneq,
• Aalisarnermut Siunnersuisoqatigiinnut allattoqarfittut suliassanik isumaginninneq.

Piginnaasatigut piumasaqaatit:
Aqutsisoq, kissaatiginarluni aalisarnermut tunngassuteqartumik pisortat namminersortulluunniit ingerlatsivianni atorfinnit aqutsinermik uppernarsaatitalimmik misilittagaqartoq, inuiaqatigiilerinermik imaluunniit pinngortitalerinermik ilisimatusarnermik allatulluunniit naleqquttumik ilinniagalik ujartorneqarpoq.

Qinnuteqartut makkuninnga tunuliaqutallit salliutinneqassapput:

• aalisarneq pillugu inatsisinik suliarinninnermik aqutsinermillu sulinikkut misilittagaqarneq,
• nunani tamalaani aalisarnermik suliniaqatigiiffinnik aammalu nunat tamalaat aalisarnermut malittarisassaannik ilisimasaqarneq,
• isumaqatigiinniarnerni tuluit oqaasiinik atuisinnaaneq,
•  qarasaasiamik nalinginnaasumik atuinissamik ilisimasaqarneq aamma
• suleqateqarsinnaassuseqarluarneq.
• marluinnik oqaaseqarneq (kalaallisut qallunaatullu).

Atorfinnut taakkununnga atatillugu atorfinitsinneqarnermi atugassarititaasut
Atorfiit tjenestemanditut atorfiupput Kalaallit Nunaanni akissaateqarfiit 36-anni inissisimasut, maanna immikkut tapisiassaqartinneqartut (1.4.1991-imi tunngaviusumik akissarsiat malillugit) 49.340 kr.-inik kiisalu tamatuma qaavatigut immikkut tapisiassaqartinneqartut 45.280 kr.-inik.

Kalaallit Nunaanni Namminersornerullutik Oqartussani kommuninilu tjenestemandit pillugit inatsisartut inatsisaat nr. 21, 18. december 2003-meersoq naapertorlugu atorfinitsitsisoqassaaq.

Isumaqatigiissutitigut atugassarititaasut malillugit atorfiit inuttalerneqarsinnaassapput.

Akissarsiat atorfinitsinneqarnermilu atugassarititaasut, tassunga ilanngullugit akiliunneqarluni angalasinnaatitaanerit pisattallu nuunneqarnerannut akiliunneqarsinnaatitaaneq Kalaallit Nunaanni Naalakkersuisut aammalu Atorfillit Kattuffiata (NAK) akornanni isumaqatigiissutit atorfininnermi atuuttut naapertorlugit pissapput.

Inissaqartitsisoqarsinnaavoq malittarisassat atuuttut malillugit akilersorneqartussamik. Nuummi inissaalerineq pissutigalugu inissiamik ataavartumik tunineqarnissamut sivisunerusumik utaqqinissaq naatsorsuutigineqartariaqarpoq. Taamaanneranili utaqqiisaasumik ineqartitsisoqassaaq.

Piaartumik imaluunniit erseqqinnerusumik isumaqatigiissut malillugu atorfinitsitsisoqassaaq.