Aalisarnermut immikkoortortaqarfik siunnersortimik sulisussarsiorput.

Aalisarnermut immikkoortortaqarfik siunnersortimik sulisussarsiorput.

Aalisarnermut immikkoortortaqarfik Aqutsisoqarfimmut atasuuvoq, Aalisarnermut, Piniarnermut Nunalerinermullu Naalakkersuisoqarfiup ataani, Kalaallit Nunaanni isumalluutinik uumassusilinnik aqutsinermik suliaqarluni. Aa­li­sar­nermut immikkoortortaqarfiup suliassaraa Kalaallit Nunaanni aalisarnermi nu­nal­lu tamalaat aalisarneq pillugu suleqatigiinneranni aalisarnermik naalakkersuinikkut pi­ngaar­ne­­rutillugit siunniussat timitalerneqarnissaat peqataaffigissallugu.

Suliaqarfipput naalakkersuinikkut eqqumaffigineqaqaaq, tassanilu soqutigisat assigiinngitsorpassuit akuttunngitsumillu imminnut akerleriit suliassaqarfiusarput.

Immikkoortortaqarfimmi ulluinnarni sulineq ilaatigut ulapaarfiusaqaaq, annertunerusumilli suliassaasarput ataatsimeeqatigiittarnerit, pisortaqarfinnik allanik aamma kattuffinnik suleqateqarneq, naalakkersuinermi suliaqartut aalajangernissaannut tunngavissiornerit, innuttaasunit saaffiginninnerit, suleqatigisallu suleqatigiissutit pillugit sulia­qar­neq kiisalu nammineq aalajangersimasumik suliassagut.

Siunnersortip ilaatigut suliassaanut ilaapput

• Akuersissutinik piareersaaneq.
• Allaffeqarfiup iluani suleqatigiissitani suleqataaneq.
• Kommuninut attaveqaataaneq.
• Immikkoortortaqarfiup suliassaqarfigisaani ajornartorsiutinik aalajangersimasunik ta­ manullu tunngasunik misissueqqissaarneq aamma nalilersuineq.
• Aalisarnermik aqutsinikkut pilersaarusioqataaneq.
• Aalisarnerup immikkoortuini politikkip piviusunngortinnissaanut suleqataaneq.

Naatsorsuutigaarput

• Kalaallit Nunaanni aalisarnikkut aqutsinikkut pissutsinik ilisimasaqarnissat.
• Suleqatigiinni suleqataasinnaanissamut kalaallisut, qallunaatut ajornanngippallu tuluttut sammisat tungaatigut, oqaluttarissatigut aamma allattarissatigut piginnaane­qar­luarnissat.
• Naalakkersuinikkut aqunneqartumi aaqqissuussinermi sulisinnaassasutit aammalu pi­sortat aqutsinerannut soqutiginnittuussasutit.
• Suleqatiginnissinnaassasutit aamma nammineerlutit sulisinnaassuseqassasutit.
• Sammisat tungaatigut siammasissumik suliaqarnissamut nuannarisaqartutit aamma ajornartorsiutit nutaat pillugit paasinnipallassinnaassasutit.
• Immikkoortortaqarfimmi suliassanut tamanut suleqataarusussuseqassasutit.
• Suliassaqarfimmi ineriartornernut ingerlaavartumik paasiniaasarsinnaassasutit.

Naleqquttutut isigaarput

• Siornatigut atorfigisimasami assingusumi allaffissornikkut misilittagaqarnerit.

Takuneqarsinnaasutut sulinermi avatangiisini naatsorsuutigineqarpoq suliatigut piginnaanitit immikkoortortaqarfimmi suliassanut naammassineqartartunut naapertuutis­sa­sut.

Akissarsiat atorfeqarnermilu atugassarititaasut

Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisissaat nr. 21, 18. december 2003-imeersoq naapertorlugu akissaateqartitsinermi atorfeqartitsinermilu atugassarititat.

Atorfik tjenestemanditut atorfiuvoq akissarsiat nikerarfiini 31-miilluni, 19.270 kr.-inik immikkut tapisiaqarfiusoq (1. april 1991-imi atuuttunik).

Taamatuttaaq Namminersornerullutik Oqartussat kattuffiullu isumaqatiginninniartussaatitaasup akornanni isumaqatigiissutit naapertorlugit isumaqatigiissusiornermi atugassaqartitsilluni atorfininnissaq periarfissaqarpoq.

Taamatuttaaq atorfimmut atatillugu angalaneq pigisanillu assartuineq akilerneqassapput.

Atorfimmut inissamik neqerooruteqartoqarsinnaavoq, maleruagassat atuuttut naapertorlugit ineqarnermut akilertagassamik. Nuup Kommunianili inissanik pissarsiniarneq ajornakusoormat, utaqqisariaqarnissaq piareersimaffigisariaqarpoq. Inissamik ataavartumik pissarsinissap tungaanut utaqqiisaagallartumik inissiisoqarumaarpoq.

Inissamik innersuussisoqarsinnaavoq malittarisassat atuuttut malillugit akilerneqartartussamik. Taamaattorli Nuup Kommuniani inissaaleqineq pissutigalugu inissiamik innersuunneqarnissamut utaqqinissaq ilimagisariaqarpoq. Inissiamik ataavartumik inner­suun­neqarnissap tungaanut utaqqiisaasumik ineqartitsisoqassaaq.