Aalisarnermut Piniarnermut Nunalerinermullu Naalakkersuisoqarfik (APNN)

APNN-ip aaqqissuussaanera allanngortinneqarnikuuvoq, aaqqissuunneqarnerata allaaserineqarnera ingerlanneqarpoq. Aaqqissuussineq nutaaq takussutissianngorlugu ataani aaneqarsinnaavoq.

APNN-ip aaqqissuussaanerata takussutissianngorlugu uani aasinnaavat (40 kb pdf-fil)

 ---------------------------------------

Susassaqarfiit: 

Aalisarneq

• Nunatsinni nunanilu tamalaani aalisarneq pillugu inatsisilerineq, naalakkersuisoqarfitsigut allaffissornikkullu ingerlatsineq taakkununnga ilaallutik pitsaaliineq aammalu atuinermut isiginninneq
• Inuiaqatigiinni nunallu assigiinngitsut akornanni aalisarnermut politikkimi suliassat pingaarnerit
• TAC (pisarineqarsinnaasut qummut killingi) pisassiissuteqartarnerlu, aalangiusaasullu naalakkersuisoqarfitsigut allaffissornikkullu ingerlanneri
• Aalisarneq pillugu ineriartortitsinermik suliniutit il.il., piviusunngortitsinerlu
• Nunami tunitsiviit nunaqarfinnilu tunisassiorfiit, naalakkersuisoqarfitsigut allaffissornikkullu ingerlatsineq, taakkununnga ilanngullugu AGF-imik RG-millu kiffartuunneqarnissamik isumaqatigiissut
• Siunnersuisoqatigiit, ataatsimiititat, suleqatigiissitat, ataatsimiititaliat ataatsimeersuarnernullu qullersaaneq
• Nunap immikkoortuini, illugiilluni nunanillu assigiinngitsut akornanni isumaqatigiissutit, taakkununngalu piareersaateqarnerit, malitseqartitsinerillu

Piniarneq aallaaniarnerlu 

• Nunatsinni nunanilu tamalaani piniarneq aamma aallaaniarneq pillugu inatsisilerineq, naalakkersuisoqarfitsigut ingerlatsineq, tassanilu ilaalluni pitsaaliineq aammalu atuinermut isiginninneq
• Inuiaqatigiinni nunallu assigiinngitsut akornanni piniarneq aallaaniarnermullu politikkimi suliassat pingaarnerit
• Pisassiissuteqartarneq, pisassiissutit aalajangiussat naalakkersuisoqarfitsigut allaffissornikkullu ingerlanneri, tassanilu ilaalluni piniarsinnaanermut akuersissutit
• Nakkutilliinermi aamma piniarnermik aalisarnermillu nakkutilliisoqarnernut tunngatillugu suliassat pingaarnerit
• Puisit amiinik tunisinermut tapiissutit, atortuulersinneqarnerinilu malittareqqiinerit, takkununnga ilanngullugit GG-mik kiffartuunneqarnissamik isumaqatigiissut
• Piniarsinnaanermut allagartanik aaqqissuussineq, naalakkersuisoqarfitsigut allaffissornikkullu aqunneqarnera 
• Akiliuteqarluni piniartitsinerit, naalakkersuisoqarfitsigut allaffissornikkullu aqunneqarnera
• Nunap immikkoortuini, illugiilluni aammalu nunat assigiinngitsut akornanni isumaqatigiissutit, isumaqatigiissutit
• Siunnersuisoqatigiinnut, ataatsimiititanut, suleqatigiissitanut, ataatsimiititalianut ataatsimeersuarnernullu tunngasunut qullersatut inissisimaneq

Nakkutilliineq kinguneqartitsinerlu

• Kalaallit Nunaanni Aalisarsinnaanermut Akuersissutinik Nakkutilliisoqarfik piniarnermillu nakkutilliisoqarneq
• Nakkutilliinermi aamma piniarnermik aalisarnermillu nakkutilliisoqarnermut tunngatillugu suliassat pingaarnerit
• Piniarnermi aalisarnermillu nakkutilliisoqarnikkut pisanik sinerissamullu qanittumi aalisarnermik nakkutilliineq misissuinerlu
• Aalisarsinnaanermut akuersissutinik nakkutilliisoqarnikkut avataani aalisarnermik nunallu allamiut aalisarnerannik nakkutilliineq misissuinerlu, kiisalu aalisarneq pillugu paasissutissanik nalunaarsuineq

Nunalerineq 

• Nunalerineq, savaateqarneq tuttuuteqarnerlu pillugit inatsisilerineq, naalakkersuisoqarfitsigullu ingerlatsineq 
• Nunalerineq pillugu politikkimi suliassat pingaarnerit
• Nunalerinermik suliassaqarfimmut sammititamik inuussutissarsiutinik siuarsaaneq, naalakkersuisoqarfitsigut allaffissornikkullu ingerlatsineq
• Savaaqqanik savanillu tunisinermut tapissutit, taakkulu atortuulersinneqarneranni malittareqqiinerit 
• Nunalerineq pillugu Siunnersuisoqatigiit taakkulu ataanni suliffeqarfiit, tassanilu ilagalugu ataatsimiinnerit ataatsimeersuarnerillu

Inuussutissat aamma imeq 

• Uumasunut nakorsaqarneq, ilagalugu nerisassanik nakkutilliineq

Aalisarnermut, piniarnermut nunalerinermullu tamanut tunngatillugu 

• Sulianut Inatsisartuni suliarineqartunit tunngatillugu Naalakkersuisunut sullissineq, Inuussutissarsiutinut tapiissuteqartarneq pillugu inatsisilerinermik ilusilersuineq, aalisarnermut aningaasaliissutinut immikkoortitat aamma aalisarnermut, piniarnermut nunalerinermullu aallarteqqinnisamut tapiissutit, sinerissap qanittuani aalisarnerup aaqqissugaanerata naleqqussarneqarnera, taakkununnga ilanngullugu KNAPK-mik kiffartunneqarnissamik isumaqatigiissut