Akileraartarnermut Aqutsisoqarfik suleqatissarsiorpoq

Atorfik 1. april 2009-miit imaluunniit isumaqatigiissuteqarnikkut inuttalerniarneqarpoq.

Suliassanik makkuninnga suliaqartussaavutit

• Inuit, matumani namminersorlutik inuussutissarsiortut annikinnerusunik kaaviaartitaqartut ilanngullugit siumoortumik nalunaarsuiffigineqarnerat.
• Inuit, matumani namminersorlutik inuussutissarsiortut annikinnerusunik kaaviaartitaqartut ilanngullugit aningaasarsiaanik akileraaruteqaataasussanik angissusiliiffigineqarnerat.
• Allaffimmi suliassanik allanik suliarinneqataaneq.

Pisinnaasat piginnaatitaaffiillu:

• Allaffimmiutut ilinniagaqarsimasuuvuutit akileraaruserinermik akitsuuserinermillu misilittagaqarlutit.
• Namminersorsinnaalluarputit, pimoorussisuuvutit, suliarnullu akisussaanerit ataqqilluartuullugu.
• Sungiussiasuuvutit suliffimmilu ulapaarfiusinnaasaqisumi aaqqissuussaanerullu iluani killigeqqusat qaangerlugit suliassat naammassiniartarlugit.
• Ammasuuvutit ilakkuminarlutillu – aamma ulapaarfiup nalaani.
• Kalaallisut qallunaatullu oqaaseqarnissat kissaatiginartipparput, tamannali piumasaqaataan-ngilaq.

Aningaasarsiaqartitaanermi atorfinitsitaanermilu atugassarititaasut

Kalaallit Nunaanni Naalakkersuisut aamma kattuffiup isumaqatigiinniarsinnaatitaasup akornanni isumaqatigiissutit atorfinitsitaanerup nalaani atuuttut malillugit akissarsiatigut atorfeqarnermilu atugassarisat, matumani aamma atorfinikkiartorluni soraarnermilu angalanerit kiisalu pequttat angallannerinut tunngasut aalajangigaassapput.

Atorfimmut atatillugu malittarisassat atuuttut malillugit inissaqartitsisinnaavugut.

Qinnuteqarnissamut killiliussaq

Akileraartarnermut Aqutsisoqarfiup qinnuteqaatit kingusinnerpaamik tigoreersimassavaa ulloq 6. marts 2009.