Akileraartarnermut Aqutsisoqarfiup akileraaruseriffia Nuummiittoq 3-nik suleqatissarsiorpoq

Suliassanik makkuninnga suliaqartussaavutit:

• Akileraaruserinerup iluani suleriusissanik allaganngorlugit malittarisassiornermi peqataaneq.
• Sulisitsisunut taakkunaniillu pasissutissanik qarasaasiamut immiussinernut oqimaaqa-tigiissitsinernillu peqataaaneq.
• Qinnuteqaatinik assigiinngitsunik suliarinneqataaneq.
• Allaffimmi suliassanik allanik suliarinneqataaneq.

Sulineq Aqutsisoqarfiup immikkoortortai qanimut suleqatigeqqissaarlugit ingerlanneqartassaaq.

Pisinnaasat piginnaatitaaffiillu:

• Allaffimmiutut ilinniagaqarsimasuuvuutit akileraaruserinermik akitsuuserinermillu misilittagaqarlutit.
• Namminersorsinnaalluarputit, pimoorussisuuvutit, suliarnullu akisussaanerit ataqqilluartuullugu.
• Sungiussiasuuvutit suliffimmilu ulapaarfiusinnaasaqisumi aaqqissuussaanerullu iluani killigeqqusat qaangerlugit suliassat naammassiniartarlugit.
• Ammasuuvutit ilakkuminarlutillu – aamma ulapaarfiup nalaani.
• Kalaallisut qallunaatullu oqaaseqarnissat kissaatiginartipparput, tamannali piumasaqaataan-ngilaq.

Aningaasarsiaqartitaanermi atorfinitsitaanermilu atugassarititaasut

Kalaallit Nunaanni Naalakkersuisut aamma kattuffiup isumaqatigiinniarsinnaatitaasup akornanni isumaqatigiissutit atorfinitsitaanerup nalaani atuuttut malillugit akissarsiatigut atorfeqarnermilu atugassarisat, matumani aamma atorfinikkiartorluni soraarnermilu angalanerit kiisalu pequttat angallannerinut tunngasut aalajangigaassapput.

Atorfimmut atatillugu malittarisassat atuuttut malillugit inissaqartitsisinnaavugut.

Qinnuteqarnissamut killiliussaq

Akileraartarnermut Aqutsisoqarfiup qinnuteqaatit kingusinnerpaamik tigoreersimassavaa ulloq 6. marts 2009.