Akileraartarnermut Aqutsisoqarfiata, Qitiusumik Akiliisitsiniartarfia sulisussarsiorpoq

• Ilulissani Akiliisitsiniartarfimmi immikkoortortaqarfimmi pisortatut atorfik piaartumik atorfinittussamik inuttassarsiorneqarpoq isumaqatigiissuteqarnikkulluunniit

Atorfik tjenestemanditut atorfiuvoq aningaasarsiaqarnermilu inissisimalluni lr. 35-imi 01.04.1991-imiillu ukiumut immikkut ittumik tapeqarluni 29.020,00 kr-inik, kisianni aamma isumaqatigiissutit malillugit atorfinitsitsisoqarsinnaavortaaq

Immikkoortortaqarfimmi pisortap akisussaaffigissavaa Ilulissani Akileraartitsiniartarfiup allaffeqarfianik ulluinnarni aqutsineq, illoqarfimmi akileeqqusinerit akiliisitsiniartarnerillu ingerlaavartut sa-niatigut allaffissornikkut suliassat assigiinngitsut Akiliisitsiniartarfimmut tamarmut ingerlattarlugit.

Atorfimmut naleqqutsumik ilinniarsimanerup saniatigut Namminersornerullutik Oqartussat naatsorsueriaatsinut atortuannik XAL-imik ilisimanninnissaq iluaqutaassaqaaq.

Qinnuteqartussap pisortat piumasaqaataannik akiliisitsiniarnernut malittarisassanik ilisimasaqarluarnissaq naatsorsuutigineqarpoq kiisalu aqutsisuunermut sungiussilluarsimanissaq uppernarsarsin-naassavaa.

Ilulissani allaffeqarfimmut suliassanik ilusilersuineq agguaassinerlu suli ingerlanneqarmat, qinnuteqartussaq atorfimmut tulluuttoq suliffissaminut nammineq annertoorujussuarmik sunniuteqassaaq.

• Incassomi siunnersortitut atorfiit sisamat pilersillaat piaartumik inuttassarsiorneqarput.

Nuummi Maniitsumi Sisimiunilu atorfiit inissinneqarnissaat naatsorsuutigineqarput

Atorfiit pilersinnerannut siunertaasoq tassa inuussutissarsiutilinnut attuumassutilitsigut aningaasarsiatigut akileraarutinut akiligassanik akiliisitsiniartarnerup allanillu piumasaqaatinik pitsanngorsaanissaq, siunnersuisullu pinngitsaaliissummik akiliisitsiniarnernut suliassat oqimaannersut suliassaraat, naafferaalluni akilerarnissamut isumaqatigiissuteqartarneq, akiliussinernit ingerlatsisarneq kiisalu pisariaqartumik suliassap takussutissartaanik isumannaarineq allaaserineqareersunut tunngatillugu ilaalu ilanngullugit.

Atorfimmut tulluuttumik ilinniarsimanissap saniatigut qinnuteqartut ilimagissavaat makkununnga assigiinngitsunut piginnaaneqarnissartik:

• Pisortanit piumasaqaatasumik pinngitsaaliissummik akiliisitsiniartarnernut malittarisassanik iternga tikillugu ilisimasaqarneq.
• Akilersuisinnaassusermik nalilersuisinnaaneq naatsorsuutinillu paasinninneq.
• Isumaqatigiinniallaqqissuseqarneq pissuserissaartumik inersimarpalaartumillu ileqqulik

Atorfinitsitsisoqassaaq Kalaallit Nunaani Naalakkersuisut Atorfinittussallu kattuffiata isumaqatigiissuteqarnissamut piginnaatitaaffillip akornanni isumaqatigiissutit atuuttut malillugit.

Atorfimmut atatillugu malittarisassat atuuttut malillugit akilersorneqartussamik inissaqartitsisoqassaaq.