Akileraartarnermut Aqutsisoqarfik Aningaasaqarnermut Immikkoortortaqarfimmut sulisussarsiorpoq

Akileraartarnermut Aqutsisoqarfiup Kalaallit Nunaanni naatsorsuutit annertunersaasa ilaat suliarisarpai katillugu 3,6 mia kr-inik kaaviiaartitaqarluni Namminersornerullutik Oqartussanut Kommuninullu annertunerusumik ukunannga akileraarutinik akileraartitsinermit, akitsuutinit akiligassanik akiliisitsiniarfinnilluunniit isertitat.

Ilaatigut suliarisassavatit suliassat assigiinngitsut makku::

• Akiligassaqarfinnut akiitsunullu naatsorsuutinut ikkussuineq
• Qaammammut naatsorsuutinik naligiissaarineq malittarinninnerlu
• Missingersuutinik nakkutiginninneq ammalu ukiumoortumik naatsorsuutitigut inaarinninneq

Sulineq Aqutsisoqarfiup immikkoortortai qanimut suleqatigeqqissaarlugit ingerlanneqartassaaq.

Pisinnaasat piginnaatitaaffiillu:

• Naatsorsuuserisutut ilinniarsimaneq, ukiorpaalunnilu misilittagaqarnissat kissaatiginarpoq.
• Excel-imik ilisimasaqarluartuussaatit naatsorsueriaatsinullu annertunernut misilittagaqarluarlutit assersuutigalugu Namminersornerullutik Oqartussat naatsorsueriaatsinut atortuat XAL, kisiannili ilinniartitsissutigineqarsinnaavoq.
• Namminersorluarsinnaaneq, pimoorussilluarsinnaaneq, suliarnullu akisussaaffeqarneq
• Sungiussiasuuneq suliffimmilu ulapaarfiusinnaasaqisumi aaqqissuussaanerullu killigeqqusaasut qaangerlugit suliassat naammassiniartarlugit.
• Ammasuuneq ilagiuminartuuneq – ulapaarfiullu nalaanittaaq
• Kalaallisut/qallunaatullu oqaaseqarnissat kissaatiginartipparput

Aningaasarsiaqartitaanermi atorfinitsitaanermilu atugassarititaasut

Aningaasarsiaqartitaanermi atorfinitsitaanermilu atugassarititat isumaqatigiissutit atuuttut malillugit , pisinnaasatit misilittakkatillu apeqqutaallutik atuuttinneqalissapput.