Akileraartarnermut Aqutsisoqarfik nunap immikkoortuanut pisortassarsiorpoq

Atorfik Nuummi Akileraartarnermut Aqutsisoqarfiup nunap immikkoortuanut allaffiani inissisimavoq.

Atorfik inuttalerniarneqarpoq sulisumik akileraaruserinermik akitsuuserinermillu misilittagalimmik.

Suliassaapput:

• Nunap immikkoortuata inunnut tamakkiisumik kisitsisaataanik aqutsineq
• Nunap immikkoortuanut siumoortumik nalunaarsuisarneq
• Nunap immikkoortuani inunnut akileraarutissanik annertussusiliisarneq, taamatuttaaq nunap immikkoortuani inuussutissarsiutinik ingerlataqartunut mikinerusunut annertussusiliisarnermik pilersaarusiornermut peqataasarneq
• Akileraarutinik akitsuutinillu allaffissornikkut aqutsineq nakkutilliinerlu
• Akileraartarnermut allaffik Akitsuusiisarnermullu allaffik suleqatigalugit ornigisarluni kukkunersiuisartuuneq nakkutilliisuunerlu il.il.
• Apeqqutigineqartunut allanillu akissuteqartarneq
• Ilitsersuineq il.il., taamatuttaaq sulisunik piginnaanngorsaanermut peqataasarneq
• Nunap immikkoortuani saaffiginnittarfimmi suliassat.

Nunap immikkoortuani pisortap nunap immikkoortuanut allaffimmi sulinerup ulluinnarni aqunneqarnera pilersaarusiorneralu akisussaaffigai. Nunap immikkoortuata pisortaa sulianut tunngatillugu akileraartarnermut allaffimmi allaffiup pisortaanut saaffiginnittarpoq.

Aningaasarsiaqartitaanermi atorfeqartitaanermilu atugassarititaasut, taamatuttaaq atorfinikkiartorluni soraarnermilu angalasinnaatitaaneq pigisallu nuunneqarnerat piffissami atorfiniffiusumi Kalaallit Nunaanni Naalakkersuisut pineqartullu kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Sumiiffimmi malittarisassat sukkulluunniit atuuttut malillugit atorfinittumut inissamik innersuussisoqarsinnaavoq.

Aqinnuteqaat Akileraartarnermut Aqutsisoqarfimmit tiguneqareersimassaaq kingusinnerpaamik ulloq 6. januar 2009.

Qinnuteqaat aammattaaq mailadressemut uunga nassiunneqarsinnaavoq: tax@gh.gl