Akiliisitsiniartartoq

Akileraartarnermut Aqutsisoqarfik, Akiliisitsiniarnermi oqartussaqarfik, suleqatissarsiorpoq marlunnik sapinngisamik piaarnerpaamik imaluunniit isumaqatigiissuteqarnikkut sulilersussanik pissarsiorpoq.

Suleqataalersussat Akiliisitsiniarnermi oqartussaqarfiup allaffiini Nuummi, Maniitsumi, Sisimiuni imaluunniit Ilulissani imaluunniit maannakkut najugarisaannut tunngatillugu pitsanerpaasussami inissinneqarnissartik naatsorsuutigissavaat.

Suliassat tamanut tunngatillugu:

Suleqatissatta nutaat akisussaaffigalugulu suliassaqarfigaat pisortanut akiligassanik akileriigassaagaluanik suugaluartunilluunniit akiliisitsiniarneq, matumanittaaq pinngitsaaliinikkut akiliisitsiniarneq.

Akiliisitsiniarnermi oqartussaqarfiup pisortat pisassarisaasa suugaluartulluunniit, matumanittaaq akileraarutinut, akilersuutinut, ineqarnermut akiliutissanut, innaallagissamut, imermut kiassarnermullu, eqqagassalerinermut, paaviaanermut il.il. kiisalu aamma nunat allat akilersuutinut akileraarutinullu akileqqusissutaannut akilersinniarneqartarnerat.

Atorfik sulilersussap Akiliisitsiniarnermi oqartussaasuni suleqataasut allat suleqatigalugit sulinerminik nammineq aaqqissuussinissaanut annertuumik periarfissaqarfiuvoq.

Atorfiup allaaserinera:

• Suliassanik nammineerluni suliarinninneq, matumanittaaq pisortanut akiligassat akileriigassaagaluit suugaluartulluunniit pillugit telefonikkut nammineerlunilu saaffiginnittoqarneratigut.
• Akiitsoqartunik akilersuinissaq akiliinissamillu aaqqiissuussinerit pillugit isumaqatiginninniartarneq.
• Sullitanik ornigulluni attaveqarneq, allaffimmi taassumalu avataani.
• Akissarsiassanit unerartitsinissamik peqqusissutinik pilersitsineq kiisalu pigisanik arsaarinninneq.

Piginnaasaqarfigisassat:

Naatsorsuutigivarput qinnuteqartut akiliisitsiniarnermi suliaqartarnermik paasisimasaqarluartut, matumanittaaq pisortat piumasaqaataasa pinngitsaaliinikkut akilersinniarneqartarnissaat pillugu maleruagassanik immikkut paasisimasaqarnissaat, qinnuteqartulli naleqquttunik allatut piginnaasaqarfeqartut aamma sulilersinneqarsinnaapput.

Akiliisitsiniarnermi suliaqarnermi Namminersornerullutik Oqartussat naatsorsuuserissutaat XAL atorneqarpoq, taamaattumik taassuminnga atuinermik paasisimasaqarnissaq iluaqutaassaqaaq.

Namminersorlutit sulisinnaassuseqassaatit, sunniuteqarluarsinnaasuussallutit aalajangeeriataarsinnaassuseqassallutillu. Inuttut piginnaasani pingaartitaraagut ammasuunissat piffissanilu ulapiffiusuni suleqatiginnillaqqissuunissat. Inunnik sullissineq nuannarisuussavat.

Naalakkersuisut aamma kattuffiup isumaqatiginninniarsinnaatitaasup akornanni isumaqatigiissutit atuuttut naapertorlugit akissarsiaqartitsisoqarlunilu atorfeqartitsisoqassaaq.